Belgııada adamnan mysyqqa koronavırýs juqty
BRıÝSSELЬ. QazAqparat – Lejsk ýnıversıtetiniń zertteýshileri adamnan mysyqqa COVID-19 koronavırýsynyń juqqanyn rastady.
Bul týraly juma kúni Belgııanyń koronavırýs jónindegi ǵylymı komıtetiniń basshysy Stıven Van Gýht málim etti, dep habarlaıdy QazAqparat tilshisi.
«Bul vırýs juqtyrǵan ıesimen birge turǵan mysyqqa qatysty. Mysyq onymen tyǵyz qatynasta bolǵan. Bul tek jalǵyz oqıǵa», - dedi vırýsolog baspasóz máslıhatynda.
Belgııanyń azyq-túlik tizbeginiń qaýipsizdigi jónindegi federaldyq agenttiktiń aqparaty boıynsha, úı janýarlary adamdarǵa nemese basqa da janýarlarǵa vırýs bere alatynyna áli de dálel joq. Degenmen, mamandar olarmen baılanysta bolǵan kezde gıgıena talaptaryn saqtaýdy usynady.
«Eger aýyryp tursańyz, janýarlarmen baılanyspańyz, olardy ustaǵannan keıin qolyńyzdy jýyńyz. Janýarlardyń betińizge jaqyndaýyna jol bermeńiz», - dep atap ótti vedomstvo ókilderi.
Qazirgi ýaqytta janýarlardyń adamdardan koronavırýs juqtyrýy boıynsha tek úsh jaǵdaı belgili bolǵan (Gonkongte 2 ıt jáne Belgııada 1 mysyq). Itterde aýrý belgileri baıqalmaǵan, al belgııalyq mysyq tynys alǵanda qınalǵan jáne dıareıa bolǵan.
Aıta keteıik, 11 mln halqy bar Belgııada koronavırýstan 289 adam qaıtys boldy. 7284 adamnan koronavırýs tabyldy.
Tımýr Dúısekeev
