Belgııa Úndistan, Brazılııa jáne OAR-men áýe qatynasyn toqtatty

BRıÝSSELЬ. QazAqparat – Búgin Belgııada karantındik sharalar boıynsha úkimet janyndaǵy konsýltatıvti keńestiń kezekti otyrysy ótti, dep habarlaıdy QazAqparattyń menshikti tilshisi.

Belgııa Úndistan, Brazılııa jáne OAR-daǵy aýyr epıdemııalyq ahýalǵa baılanysty jolaýshy tasymaldaýǵa tyıym salýǵa sheshim qabyldady.

Úkimettiń habarlaýynsha, Belgııa ishki ister mınıstri Annelıs Verlınden jaqyn arada osy sharany iske asyrý úshin mınıstrlik jarlyq jarııalaıdy.

Budan bólek, Belgııa bıligi shekara kesýdi shekteýde. «Sanaýly ret qana kerekti saparlar» jasaýǵa ruqsat etilgen:

- Kólik qyzmetkerleri men teńizshilerdiń kásibı saparlary;

- Dıplomattar, halyqaralyq uıymdar qyzmetkerleri men olardyń shaqyrýymen kelgen tulǵalar.

Atalǵan jaǵdaılarda sapardyń mańyzdy ekenin rastaıtyn resmı qujat kórsetilýi kerek.

Belgııanyń federaldy úkimeti eldegi epıdemıologııalyq ahýaldy baqylaýynda ustap otyr. Úılestirilgen tásilderdi qamtamasyz etý úshin ári qaraı EO deńgeıindegi konsýltatsııalar qarastyrylǵan, atap aıtqanda Belgııamen kórshiles ornalasqan eldermen.

Avtory: Arnur Raqymbekov