Belgııa turǵyndary kúnde keshke qol shapalaqtap dárigerlerge qurmet kórsetedi
BRıÝSSELЬ. QazAqparat – Frantsııa, Nıderlandy nemese Ispanııada sııaqty, sársenbi kúni keshke belgııalyqtar COVID-19 koronavırýsy pandemııasymen kúresip júrgen medıtsınalyq qyzmetkerlerge qurmet kórsetip, bir ýaqytta qol shapalaqtady. Bul týraly QazAqparat tilshisi habarlaıdy.
El turǵyndary áleýmettik jelide bastalǵan osyndaı sharaǵa qoldaý kórsetti. Olar úıiniń terezesinen nemese balkon, tipti úıdiń tóbesine shyǵyp sársenbiden beri kún saıyn keshki 20:00-de jańa tıptegi koronavırýspen kúresip júrgen kásibı mamandarǵa qurmet retinde qol shapalaqtaıdy.
El turǵyndary medıtsınalyq qyzmetkerler men basqa da shuǵyl qyzmetkerleri erekshe qurmetke ıe. Adamdar Brıýssel aýrýhanalaryna tapshy maskany ákelip beredi, meıramhanalar tamaqty tegin usynady, al skaýt uıymdary tótenshe jaǵdaıda palatkalarymen bólisty.
11 mln-nan astam turǵyny bar Belgııada koronavırýstan 10 adam kóz jumdy, taǵy 1 243 adamnyń vırýs juqtyrǵany anyqtaldy.
Avtor Tımýr Dúısekeev
