Belgııa soty musylman qyzyna 10 myń eýro óndirip berýge qaýly shyǵardy
ASTANA. 5 qańtar. QazAqparat - Belgııa soty «Hıma» saýda fırmasynan sharıǵat talabyna saı kıingeni úshin jumystan qýylǵan qyzdyń paıdasyna úkim shyǵardy. Bul jaıynda «ál-Aravııa» habar taratty, dep habarlaıdy muslim.kz.
Ótken jyldyń aqpan aıynda saýda fırmasy Islamdy qabyldap, sharıǵat talabyna saı kıingeni úshin belgııalyq 21 jastaǵy Djýzı Fandenbýsty jumystan shyǵarǵan bolatyn.
Sharıǵat talabyna saı kıinip, 2 aı ǵana jumys istegen qyzdy fırma basshylary klıentterdiń aryz-shaǵymyn jeleý etip, jumystan qýǵan kórinedi.
Alaıda, Djýzı óz quqyǵyn qorǵap, sotta jeńip shyqty. Belgııalyq qazylar alqasy oǵan fırmadan 10 myń eýrony quraıtyn alty aılyq eńbekaqy mólsherinde ótemaqy óndirip berýge sheshim shyǵardy.
