Belgııa SІM basshysy qarqyndy terapııa bólimine jatqyzyldy
NUR-SULTAN. QazAqparat – Ótpeli úkimette bir jylǵa jýyq premer-mınıstrdiń mindetin atqarǵan Belgııanyń Syrtqy ister mınıstri Sofı Vılmes qarqyndy terapııa bólimine jatqyzyldy, dep habarlaıdy QazAqparat.
Ótken aptada onyń koronavırýstyń bar-joǵyn anyqtaý úshin tapsyrǵan testisi ınfektsııany anyqtaǵan bolatyn. Belgııanyń forın keńsesi ókilderiniń málimetinshe, 45 jastaǵy saıasatker esin biledi jáne sóıleı alady. Jaǵdaıy – turaqty.
Belgııa úkimetiniń basshylyǵyna úsh apta buryn kelgen koroldiktiń qazirgi premer-mınıstri Aleksandr de Kroo Vılmestiń tezirek jazylyp ketýin tiledi.
Ótken aptada Vılmes ınfektsııany otbasy adamdarynyń birinen juqtyrýy múmkin ekenin málimdegen. Sebebi úıden tys jerde, taza aýada ol barlyq qaýipsizdik sharalaryn saqtaǵan.
11,5 mln-nan sál ǵana asatyn turǵyny bar Belgııa COVID-19 pandemııasy bastalǵaly Eýropa elderiniń ishinde eń kóp zardap shekkender qatarynda. Qazir elge koronavırýstyń jańa tolqyny kelgen. Ótken aptada kún saıyn 10 myń jańa juqtyrý oqıǵasy tirkelip, ortasha eseppen bir kúnde 33 adam qaıtys bolyp otyrǵan.
