Belgııa shildeden bastap Sırııadaǵy lańkestik top bekinisterin bombalaıdy
ASTANA. QazAqparat - Belgııanyń áskerı-áýe kúshteriniń alty F-16 ushaǵy shildeden bastap Sırııadaǵy «Irak pen Levant lańkestik uıymynyń» bekinisterin bombalaıdy. Eýropalyq memleket bıligi bul týraly búgin málimdedi, dep jazady 24.kz.
AQSh naýryzdyń basynda Brıýsselge arab elindegi soǵys qımyldaryna qatysý týraly resmı ótinish jasaǵan edi. Biraq Konstıtýtsııa boıynsha áskerı sharalarǵa qosylý týraly sheshim Koroldiktiń basty zań shyǵarý organynda talqylanýy kerek.
Aıta ketken jón, belgııalyq atqysh áýe kemeleri qazir Iraktaǵy sodyrlarǵa qarsy operatsııalarǵa qatysyp jatyr.
«Úkimet Iraktaǵy ǵana emes, sondaı-aq Sırııadaǵy «Irak pen Levant lańkestik uıymyna» qarsy kúreske qatysý úshin F-16 ushaqtarynyń mandatyn keńeıtý týraly sheshim qabyldady. Biz ekstremıstik uıymmen soǵysyp jatqan elderdiń koalıtsııasynyń ótinishin qoldaımyz. Parlamentte osy máselege arnalǵan pikirtalastar ótedi», dedi Belgııa premer-mınıstri Sharl Mıshel.
