Belgııa Reseı týyn kótergen kemelerge qarsy sanktsııalar qoldana bastady

BRıÝSSELЬ. QazAqparat – 17 sáýirde Belgııa Reseı týyn ilgen teńiz kemelerine qatysty Eýroodaq belgilegen sanktsııalardy qoldana bastady, dep habarlaıdy QazAqparat tilshisi.

Ýkraınadaǵy qaqtyǵys EO-nyń Reseıge qarsy jańa sanktsııalaryna ákeldi, onyń ishinde reseılik kemelerdiń Eýroodaq kemejaılaryna kirýine tyıym salyndy. Bul tek aýyl sharýashylyǵy, azyq-túlik ónimderi, gýmanıtarlyq kómek jáne energetıkaǵa qatysty emes.

Belgııanyń Antverpen porty 2022 jyldyń 10 tamyzyna deıin aılaqqa tabıǵı gaz, munaı, kómir jáne basqa da qatty qazbaly otyndar, barlyq farmatsevtıkalyq, medıtsınalyq, aýylsharýashylyq jáne azyq-túlik ónimderin (mysaly, bıdaı), tyńaıtqyshtar men gýmanıtarlyq kómekti jetkizýge bolatynyn rastady.