Belgııa prokýratýrasy Aleksandr Vınokýrovty túrmege otyrǵyzýdy talap etti
BRıÝSSELЬ. QazAqparat – Burynǵy qazaqstandyq kásibı veloshabandoz Aleksandr Vınokýrov pen reseılik Aleksandr Kolobnevke jarysta ózara kelisim jasasqan degen aıyp boıynsha alty aı merzimge túrmege otyrý jazasy tónip tur, dep habarlaıdy «QazAqparat» HAA menshikti tilshisi belgııalyq RTBF telearnasyn silteme jasap.
Seısenbi kúni Belgııa prokýratýrasy veloshabandozdardy sybaılas jemqorlyqqa baılanysty kináli dep taýyp, olardy 6 aı merzimge túrmege otyrǵyzýdy talap etti.
Budan basqa A. Vınokýrovtan 100 myń eýro, A. Kolobnevten - 50 myń eýro aıyppul, sondaı-aq reseıliktiń banktegi shotynan alynǵan 150 myń eýrony tárkileýdi suraǵan.
Vınokýrov men Kolobnevke budan buryn, 2010 jylǵy sáýirde Lej-Baston-Lej velojarysynda ózara kelisim jasasqan degen aıyp taǵylǵan bolatyn.
Prokýratýra, Vınokýrov jarysta márege jetýi úshin Kolovnevtiń ózin alǵa jibergendigine baılanysty oǵan 150 myń eýro tólegen dep esepteıdi.
Belgııalyq Lej soty úkim jarııalanatyn otyrys 8 qazanda bolatyndyǵyn málimdedi.
Buǵan sportshylardyń ózara jazysqan hattary, 2010 jylǵy shildede 100 myń jáne 50 myń eýro aqsha aýdarymy dálel bolyp otyr.
Avtor: Tımýr Dıýsekeev
