Belgııa polıtsııasy jarylys jasaǵan lańkestiń hatyn tapty
ASTANA. QazAqparat - Belgııa polıtsııasy Skarbek kommýnasyn tintý kezinde elde jarylys jasaǵan lańkes Brahım ál-Bakraýı qaldyrǵan hatty tapty, dep habarlady «RIA Novostı» agenttigi Belgııa Bas prokýrory Frederık van Levtiń málimdemesine silteme jasaı otyryp.
«Ol (ál-Bakraýı) hatynda dereý qımyldaý kerektigin, biraq ne isteý qajet ekenin bilmeıtinin jazǵan. Hatta oǵan izdeý jarııalanǵany, ózine qaýip tónip turǵany aıtylady. Onyń aıtýynsha, eger ol bir jerde otyrsa, onyń túrmege qamalýy múmkin eken», dep jazady «RIA Novostı» van Levtiń sózin keltire otyryp.
Eske sala keteıik, Belgııada jarylys bolyp, 31 adam qaza tapty jáne 250 adam jaralandy.
