Belgııa men Shveıtsarııa sanıtarlyq shekteýlerdi jeńildetip jatyr
NUR-SULTAN. QazAqparat – Belgııa kezeń-kezeńmen eldegi sanıtarlyq shekteýlerden bas tartýda. Bul týraly premer-mınıstr Aleksandr de Kroo 7 saǵatqa sozylǵan pandemııamen kúres boıynsha komıtettiń otyrysynda málimdedi.
Eń aldymen, el bıligi EO aýmaǵynan tys jerlerge saıahattaý úshin shekarany ashýǵa ýáde berdi, dep habarlaıdy QazAqparat Euronews -ke silteme jasap.
«Jeksenbiniń keshinen bastap mańyzdy emes saparlarǵa ruqsat etiledi. Onyń ornyna koronavırýsqa qarsy testileýdiń bolýy jáne kelisilgen negizderde karantın talaptaryn saqtaý boıynsha qatal baqylaý ornatylady», - dedi Belgııa premer-mınıstri Aleksandr de Kroo.
Sáýirdiń sońynan bastap Belgııa úkimeti shashtaraz, sulýlyq salondary jáne dúkenderdiń jumysyna qoıylǵan shekteýlerdi almaq, al 8 mamyrdan bastap dámhana men meıramhanalar ashylady.
Sanıtarlyq sharalardy sheshýdiń jańa kezeńi týraly Shveıtsarııa bıligi de málimdeme jasady. Kelesi aptadan bastap konfederatsııada jarııa is-sharalar ótkizip, stadıon, kıno kórsetetin zal jáne teatrlarda kórermen jınaýǵa ruqsat etiledi. Sonymen qatar meıramhanalar kóshedegi terrasalaryn asha alady.
Shveıtsarııa úkimetiniń habarlaýy boıynsha, eldegi epıdemologııalyq ahýal qıyn. Sol sebepti karantın sharalary týraly másele COVID-19-dy emdeýmen aınalysyp jatqan aýrýhanalardyń júktemesine qaraı qaıta qaralýy múmkin.
