Belgııa men Nıderlandyda koronavırýs juqtyrý jaǵdaılary azaıdy

BRıÝSSELЬ. QazAqparat - Sońǵy táýlikte Nıderlandyda koronavırýsqa testileýdiń oń nátıjesimen 2875 jaǵdaı tirkeldi, dep habarlaıdy «QazAqparat» HAA menshikti tilshisi.

Bir apta buryn Nıderlandyda bul kórsetkish 3469 bolǵan.

Qarttar úılerindegi vırýstyń taralýy báseńdep keledi: sońǵy 14 kúnde 509 mekeme qyzmetkerler men qarttar arasynda vırýstyń taralǵany jaıly habarlady. Eki apta buryn bul kórsetkish 577 mekeme bolǵan.

Nıderlandy Ulttyq densaýlyq saqtaý ınstıtýty RIVM-niń habarlaýynsha, qazirgi kúni vaktsınanyń 783606 dozasy qoldanylǵan. Bul – halyqtyń 4,57% vaktsına aldy degen sóz.

Kórshiles Belgııada 6-12 aqpan aralyǵynda COVID-19 juqtyrýdyń táýligine ortasha 1809,4 oqıǵasy tirkelip keldi. Bul onyń aldyndaǵy apta kórsetkishinen 20% tómen.

Sońǵy eki aptada Belgııada koronavırýs juqtyrý kórsetkishi 100 000 adamǵa shaqqanda 247,8-di kórsetip, 9% tómendedi.

Jalpy, Belgııa turǵyndarynyń 366 558-i, ıaǵnı 3,98% vaktsınanyń birinshi dozasyn aldy, onyń ishinde 190 324 belgııalyq ekinshi dozasyn da ektirdi.