Belgııa men Qazaqstan arasyndaǵy taýar aınalymy 44 mln dollarǵa jetti
ALMATY. QazAqparat - Belgııanyń bıznesmenderi Almatyda túrli jobalardy júzege asyrýǵa múddeli, dep habarlaıdy QazAqparat tilshisi.
Bul týraly Almaty qalasynyń ákimi Baýyrjan Baıbektiń Frantsııa Ulttyq assambleıasynyń depýtaty Per Kabaremen, Qazaqstandaǵy Belgııanyń elshisi Aleksı De Krombrıýghemen kezdesýinde aıtyldy.
«Búginde qalada saýda-sattyq, ónerkásip jáne taǵy basqa salada belgııalyq kapıtaly bar 28 kásiporyn ornalasqan. Eki el arasyndaǵy taýar aınalymy alǵashqy jarty jyldyqta 44 mln. AQSh dollaryna jetti. Bul kórsetkish byltyrǵy jarty jyldyqpen salystyrǵanda eki esedeı kóp. Qala ekonomıkalyq turǵyda jyldam ósip, transport júıesi damyp, ómir súrý jaılylyǵy artyp keledi. Belgııalyq bıznesmender keler jyly Almatyda saýda-ekonomıkalyq maqsattaǵy túrli jobalardy júzege asyrýdy josparlap otyr», - dedi Belgııa elshisi.
Kezdesý barysynda Frantsııa Ulttyq assambleıasynyń depýtaty Per Kabare mádenı baǵyttaǵy seriktestik aıasyn keńeıtýge qyzyǵýshylyq bildiretinin aıtty.
«Almaty mádenıet ortalyǵy sanalǵandyqtan, munda jasampaz jastar jınalǵan. Ári qala túrli mádenı sharalardy jıi uıymdastyrady. Ózim «Star of Asia» festıvalinde kórermen boldym. Festıval shynynda da jaqsy áser syılady. Biz Frantsııa ókilderiniń Almaty kınofestıvalderine qatysýyna yqpal etpekpiz. Sondaı-aq eki el arasyndaǵy mádenı seriktestiktiń biri feshnındýstrııa bolmaq», - dedi Per Kabare.
Sonymen qatar ol Almatyda túrli baǵyttaǵy frantsýz kapıtaly bar 64 kásiporyn ornalasqanyn atap ótti. Qalada «Lerýa Merlenniń» jumys isteıtini men «Dekatlonnyń» ashylatyny ózge kompanııalar úshin de jaqsy kórsetkish.
