Belgııa men Ispanııa arasyndaǵy match lańkestik qaýpine baılanysty keıinge shegerildi
BRıÝSSELЬ. QazAqparat - Belgııa men Ispanııa arasyndaǵy joldastyq kezdesý lańkestiktiń oryn alýy qaýpiniń artqanyna baılanysty keıinge shegerildi. Bul týraly Belgııa koroldik fýtbol qaýymdastyǵynyń resmı saıtynda habarlandy.
Belgııa bıligi qaýymdastyqqa oıyndy keıinge shegerý týraly ótinish bildirgeni atalyp ótildi. Buǵan lańkestik qaýpiniń artýy men kúdikti tulǵalar týraly aqparat sebep boldy.
«Eki komanda arasynda joldastyq kezdesý bolmaıtyny týraly kesh habarlap jatqanymyz ókinishti, ári jankúıerlerdiń kóńili qalǵanyn túsinemiz. Alaıda jaǵdaılardy eskere otyra, oıynshylar men jankúıerlerdiń basyn qaýipke tikkimiz kelmeıdi», - delingen habarlamada.
Koroldik fýtbol qaýymdastyǵynda bılet ıeleri bir apta ishinde tolyq nusqaýlar alatynyn aıtty.
