Belgııa mańyzy joq saparlarǵa tyıym saldy
BRıÝSSELЬ. QazAqparat – Belgııa bıligi bıylǵy jyldyń 27 qańtarynan bastap 1 naýryzǵa deıin azamattar men el turǵyndarynyń shekaradan ótýine tek belgili bir jaǵdaılarda ǵana ruqsat beredi, dep habarlaıdy QazAqparat menshikti tilshisi.
Belgııa úkimeti janyndaǵy Koronavırýspen kúres jónindegi keńes organy shekarany kesip ótýge múmkindik beretin myna sharttardy belgiledi:
1) qyzmettik issaparlar;
2) gýmanıtarlyq sebepter: medıtsınalyq kómek sheńberinde qarttarǵa, kámeletke tolmaǵandarǵa, múgedekterge kómek kórsetý, týystaryna barý, sondaı-aq medıtsınalyq sebepter boıynsha kóshý jáne em alýdy jalǵastyrý;
3) oqý maqsatyndaǵy saparlar: bilim alý, ǵylymı zertteýler sheńberinde almasý baǵdarlamasy boıynsha oqýshylar, stýdentter jáne taǵylymdamadan ótýshiler;
4) otbasylyq jaǵdaıǵa baılanysty mańyzdy sebepter;
5) zańdy mindettemeler sheńberindegi saparlar, kólik quralyn shuǵyl jóndeý nemese kóshý;
6) shekaralas aımaqtarda jumys isteıtin adamdardyń júrip-turýyna da ruqsat etiledi, biraq 48 saǵattan aspaıtyn merzimge.
Sondaı-aq joǵaryda kórsetilgen shekteýlerdi eskere otyryp, Shengen kelisimi aıasynda Belgııanyń shekaralary ashyq kúıinde qalady.
Eýroodaqtan tys jerlerden kelgen adamdary úshin elge kelgennen keıingi birinshi jáne jetinshi kúnderi koronavırýsqa mindetti PTR-test tapasyrý erejeleri qoldanyla beredi.
Avtor: Arnur Rahymbekov
