Belgııa quramasynyń qorǵaýshysy Eýro-2020 matchynda kóz uıasyn eki ret syndyryp aldy
NUR-SULTAN. QazAqparat – 25 jastaǵy aǵylshyndyq «Lester» qorǵaýshysy Tımotı Kastan Eýro-2020-daǵy alǵashqy matchtan keıin Belgııa quramasynan ketedi, dep habarlaıdy QazAqparat Nieuwsblad-ke silteme jasap.
Eske sala keteıik, V toby aıasynda Belgııa Reseıdi 3:0 esebimen oısyrata jeńgen bolatyn.
Kastan match kezinde «Zenıttiń» jartylaı qorǵaýshysy Daler Kýzıaevpen soqtyǵysyp qaldy. Osydan keıin Tımotıge kóz uıasynyń qosarlanǵan synýy dıagnozy qoıyldy.
Ótken maýsymda Kastan «Lester» úshin barlyq týrnırde 34 kezdesýge qatysyp, onda eki gol jáne tórt nátıjeli pas bergen bolatyn. Onyń klýbpen kelisimsharty 2025 jyldyń 30 maýsymyna deıin jasalǵan jáne transfer baǵasy 28 mıllıon eýroǵa baǵalanǵan.
Eýro-2020 toptyq kezeńniń ekinshi aınalymynda Belgııa quramasy Danııa komandasymen kezdesedi. Match Kopengagende (Danııa) beısenbi kúni ótedi.
