Belgııa koroline polıtsııa qatelesip birneshe júzdegen aıyppul jazyp bergen
ASTANA. QazAqparat - Belgııalyqtardyń koroli Fılıpp sońǵy jarty jylda jyldamdyqty arttyrý men avtokólikti turaqqa durys qoımaǵany úshin birneshe júzdegen aıyppul habarlamasyn alǵan.
Olardyń bári jol polıtsııasynyń uıymdasqan eýropalyq málimetter bazasynyń qateliginen kelgen. RTFB telearnasynyń málimetteri boıynsha, másele - koroldiń lımýzıniniń nómirinde. Korol Fılıptiń jetinshi serııaly kóliginiń nómiri bir ǵana sannan turady - «1». Aıyppuldarmen baılanysty máseleler kóshedegi baqylaý kameralaryndaǵy málimetterdi óńdeý avtokólik nómirlerin jańa eýropalyq júıege aýystyrǵannan keıin bastalǵan. Ol boıynsha barlyq belgııalyq nómirler «1» kodynan bastalady.
