Belgııa ǵalymdary sýǵa ketken adamdardy balyqtardyń kómegimen izdemek
ASTANA. 6 tamyz. QazAqparat - Belgııa ǵalymdary tuqy balyqtardy qaza tapqan adamdardy sýdan izdep tabýǵa úıretpek. Bul úshin ǵalymdar balyqtardy óliktiń ıisi sińip qalǵan taǵamdarmen tamaqtandyratyn bolady. Bundaı baǵdarlamany Lej ýnıversıtetinde oılap tapqan, dep habarlaıdy Ýtro.rý.
Úıretilgen balyqtardyń júrisin baqylap otyrý úshin olardy arnaıy qurylǵylarmen jabdyqtaý josparlanǵan. Ǵalymdar tuqylardy tómen temperatýraǵa shydaı alatyndyqtan, sýda az mólsherdegi aýamen tynystaı alyp jáne qarańǵyǵa tez beıimdeletindikten tańdap alǵan. Bul qasıetke ıe balyqtar laılanǵan sýlarda joǵalyp ketken máıitterdi izdeýge qolaıly.
