Belgııa dúkenderine kokaın qosylǵan banandar satylymǵa tústi
BRıÝSSELЬ. 6 aqpan. QazAqparat - Belgııanyń túrli óńirlerinde «Colruyt» sýpermarket jelisiniń alty dúkeninde banandar salynǵan jáshikten 65 kelige jýyq kokaın tárkilendi.
Bul týraly jergilikti BAQ habarlady.
«Colruyt» jelisiniń resmı ókili málim etkendeı, esirtki zattary taýar satylymǵa túspes buryn anyqtalǵan, ıaǵnı bul zattar dúkenniń sórelerine qoıylǵan joq. Tabylǵan esirtki zattarynyń naryqtyq quny 3,2 mln. eýro somasynda baǵalanýda.
Belgııalyq polıtseılerdiń pikirinshe, oqıǵanyń oryn alýyna kokaın trafıginiń júıesinde ketken qatelik sebep bolǵan. ıAǵnı, jasyryn esirtki zattary salynǵan banan jáshikteri jergilikti krımınal uıymdarynyń qolyna emes, qatelik ketip, júkqujattyń jetkizilýi tıis jalǵan meken-jaıǵa - dúkenderge jetkizilgen.
