Belgııa bıligi Frantsııadaǵy teraktiniń aldyn aldy

BRıÝSSELЬ. QazAqparat - Belgııanyń quqyq qorǵaý organdary Frantsııada lańkestik áreket jasamaqshy bolǵan eki kúdiktini ustady, dep habarlaıdy QazAqparattyń menshikti tilshisi RBTF teleradıokompanııasyna silteme jasap.  

Kúdikti ırandyq erli-zaıyptylar Brıýsseldiń Volıýve-Sen-Per kommýnasynda ustalǵan. Polıtsııa olardyń kóliginen jarylǵysh zatty jasaýǵa arnalǵan qajet quraldardy, 500 gramm atseton peroksıdin jáne detonatordy tapqan.

Belgııa prokýratorasy habarlaǵandaı, ustalǵan kúdiktiler 30 maýsymda Parıjde ótken Iran bıligine qarsy oppozıtsııalyq partııanyń konferentsııasynda bombany jarmaqshy bolǵan. Teleradokompanııanyń bergen málimeti boıynsha, sharaǵa 25 myń adam qatysqan.

Ustalǵan azamattarǵa qatysty «Lańkestik qylmys jasaý arqyly adam óltirý» túrindegi aıyp taǵyldy. Budan bólek, Frantsııada qylmyskerlerdiń múmkin sybaılastary tutqyndalsa, Germanııada erli-zaıyptymen baılanysta bolǵan ırandyq dıplomat ustaldy.