Belgııa astanasynda komendanttyq saǵat uzartylady
BRıÝSSELЬ. QazAqparat – Brıýssel bıligi komendanttyq saǵatty jeltoqsan aıynyń ortasyna deıin uzartý týraly sheshim qabyldady, dep habarlaıdy QazAqparat.
Qazan aıynyń sońynda Brıýsselde koronavırýsqa shaldyqqan adamdar sanynyń kúrt ósýine baılanysty saǵat keshki 22:00-den tańǵy 06:00-ge deıin turǵyndardyń qozǵalysyna shekteý qoıylǵan.
Búgin Brıýssel qalalyq aımaǵynyń basshysy Rýdı Vervort komendanttyq saǵattyń 2020 jylǵy 13 jeltoqsanǵa deıin uzartylatynyn málimdedi.
«Brıýsselde pandemııa statıstıkasy áli de alańdaýshylyq týdyrtyp otyr», - dep atap ótti qala basshysy.
Belgııanyń Sciensano ǵylymı ortalyǵynyń málimetinshe, 18 qarashada elorda aımaǵynda KOVID-19 vırýsyn juqtyrýdyń 400-den astam jańa oqıǵasy tirkeldi.
Belgııalyq Vallonııa da aımaqtyq komendanttyq saǵatty atalǵan kúnge deıin uzartqan.
