Belgııa astanasynda halyqaralyq avtosalon ashyldy
BRıÝSSELЬ. QazAqparat - Brıýssel qalasynda 97-shi Belgııa avtosalony ashyldy, dep habarlaıdy «QazAqparat» HAA-nyń menshikti tilshisi.
110 myń sharshy metrden astam aýdandy alyp jatqan alańda 70-ten astam brend tańdaýly ónimderin usynady. Olardyń keıbiri eýropalyq nemese álemdik deńgeıdegi birneshe premera ótkizedi.
Usynylǵan taýarlardyń ishinde jeńil, kommertsııalyq avtomobılder, fýrgondar, shaǵyn avtobýstar, mototsıklder, qosalqy bólshekter, tipti aksessýarlar da bar.
Resmı aqparatqa súıensek, shoýǵa Ford Mondeo Clipper Hybrid, Jaguar F-Type Chequered Flag, Range Rover Evoque, Opel GTX Experimental, Hyundai i40 Wagon, Mini Cooper, Opel Zafira Life sekildi álemniń úzdikteri qatysady.
Budan tys, alǵash ret Eýropa jurtshylyǵyna BMW 8, BMW X7, Mazda 3, Porsche 911 (992), Toyota Prius, Vanderhall Motor Works Venice, Volvo S60 markalary kórsetiledi.
18 qańtarda ashylǵan 97-shi Avtomobıl kórmesi 10 kúnge jalǵasady. Bıyl uıymdastyrýshylar avtosalonǵa 500 myńnan astam kórermen keledi dep boljap otyr.
Avtory: Tımýr Dúısekeev
