Bekjan Turys áke men bala arasyndaǵy tamyrlanǵan tartysty sahnaǵa alyp shyqpaq
ASTANA. QazAqparat - QR E ńbek sińirgen qaıratkeri, memlekettik «Daryn» syılyǵynyń ıegeri, M.Áýezov atyndaǵy akademııalyq drama teatrynyń akteri Bekjan Turys «Ulym saǵan aıtam...» atty monospektakl qoımaq, dep habarlady baistars.kz
Áke baýyr eti balasynyń áýlet abyroıyn asqaqtatyp, áleýmettiń jaıyn oılar azamat bolyp óskenin qalaıdy. Al, bala qashanda jańaǵa umtylady. Áke men bala arasyndaǵy tartystyń tamyrlanýyn tek qana túsinistik pen meıirim ǵana saqtap qalady. Keshegige qaraılaýdan góri jańanyń jetegimen júrýdi jón kóretin, bilim men bilikke kóbirek súıengen búginginiń jastarynan ıba men ıman qatar sińse dep oılaıdy. Teatrdyń talantty artısi, sahna saıypqyrany Bekjan Turys ult degende ulaǵatty sóz aıtýǵa umtylatyn sergek oıly azamattardyń biri retinde, balasy Maǵjan ekeýi mártebeli kórermenine maǵynaly kesh syılamaq. «Jetpis jeti kún», «Uıat bolmasyn», «Erkektiń aty erkek» telebaǵdarlamalary arqyly kópshilikke keńinen tanylǵan Bekjan Turys balasy Maǵjanmen keshti án men jyrmen kómkermek. Spektakl avtory Baqyt Bedelhan, al rejısseri Ashat Maemırov. Kesh M.Áýezov atyndaǵy akademııalyq drama teatrynda 6 jeltoqsan kúni saǵat 17.00-de bastalady.
