Bekjan Sadyqov: Prezıdent ómir sapasy men deńgeıin jaqsartatyn keshendi sharalardy engizdi
NUR-SULTAN. QazAqparat – QR Prezıdenti janyndaǵy Qazaqstan strategııalyq zertteý ınstıtýtynyń aǵa ǵylymı qyzmetkeri Bekjan Sadyqov eldegi áleýmettik-ekonomıkalyq jaǵdaıǵa baılanysty pikir bildirdi, dep habarlaıdy QazAqparat tilshisi.
«Memleket basshysy «Halyq únine qulaq asatyn memleket» tujyrymdamasy men óziniń «Igilik barshaǵa! Sabaqtastyq. Ádildik. Órleý» saılaýaldy baǵdarlamasy aıasynda aldaǵy jarty jyldyń ózinde ómir sapasy men deńgeıin jaqsartatyn keshendi sharalardy engizdi.
Mundaı sharalar buryn-sońdy bolmaǵan jáne memleket ereýilge shyqqandardyń ǵana emes, tutas halyqtyń mańyzdy muqtajdyqtaryna nazar salyp otyrǵanyn kórsetedi. Bul sharalardyń bári – azamattarǵa baǵyttap jasalǵan sheshimtal ári jigerli qadamdar», - deıdi sarapshy.
Onyń sózine qaraǵanda, avtokólikke arnaǵan janarmaı baǵasynyń 180 kún boıy memlekettik retteýge alynýy halyq tutynatyn ózge taýarlardyń baǵasyn túsirýi kerek.
«Birinshiden, avtokólikke arnalǵan janar-jaǵarmaı túrleriniń bárine baǵany 180 kún merzimmen memlekettik retteý engizildi. Memleket janar-jaǵarmaı baǵasy azyq-túlik sııaqty ózge de negizgi tutyný taýarlarynyń baǵasyn ósiretin basty faktor ekenin túsinip otyr. Jarty jyl boıy benzın, gaz, dızel baǵasyn memleket qolaıly deńgeıde ustap turady. Bul áleýmettik mańyzy bar taýarlardyń ınflıatsııasyn tómendetedi degen sóz», - deıdi Qazaqstan strategııalyq zertteý ınstıtýtynyń aǵa ǵylymı qyzmetkeri.
Sarapshy azyq-túlik baǵasyna ınflıatsııanyń qysymyn memlekettik retteý sharalary ár óńirdiń ekonomıkalyq múmkindikterin eskere otyryp jasalýy shart.
«Jalpy alǵanda memleket jáne Prezıdenttiń ózi áleýmettik mańyzy bar taýarlardyń baǵasy óskenine nazar aýdaryp otyr. Bul kóptegen elderdiń, sonyń ishinde damyǵan memleketterdiń ózine naǵyz synaq bolyp otyr
Úshinshiden, atqarýshy bılikke jeke tulǵalardyń bankrottyǵyn retteıtin zańnama normalaryn ázirleýge kirisý jóninde tapsyrma berildi. Zań aıasynda azamattarǵa kredıtorlar aldyndaǵy boryshyn jaýyp, óziniń sharýashylyq qyzmetin «jańa paraqtan» bastaý múmkindigi berilmek. Bul jerde ázirlenip jatqan zań normalaryna sáıkes keletin azamattar kredıtorlardyń telefon arqyly qýdalaýyna tap kelmeıtin bolady. Bul zańnyń nátıjeleriniń biri bankter tarapynan qandaı da bir tólemdi keshiktirgen azamattardyn boryshyn sotpen talap etý toqtatylady dep topshylaımyn», - deıdi Bekjan Sadyqov.
Qazaqstan strategııalyq zertteý ınstıtýtynyń aǵa ǵylymı qyzmetkeri «Qazaqstan haqyna» qorynyń kimderdi qoldaýǵa baǵyttalatyny týraly paıymyn aıtty.
«Qasym-Jomart Kemeluly Toqaevtyń tapsyrmasy aıasynda kommýnaldyq tarıfke shuǵyl moratorıı jarııalaý áleýmettik turǵydan az qamtylǵan halyq sanatyna arendalyq baspanany sýbsıdııalaý máseleleri qarastyrylmaq. Azamattardyń tabysyn shaıyp ketip jatqan ınflıatsııa aıasynda bul eki shara azamattardyń óz qajettilikterin «qaltasyna qaıta-qaıta úńilmeı-aq» qamdaýǵa múmkindik beredi. Basqasha aıtsaq, azamattardyń otbasylyq bıýdjeti aı saıynǵy mindettemelerdiń qysymynda bolmaıdy. Kerisinshe áleýmettik turǵyda az qamtylǵan azamattar sanaty keńirek tynystaýǵa múmkindik alady.
Buǵan qosa, Qasym-Jomart Kemeluly Toqaev «Qazaqstan halqyna» deıtin qoǵamdyq qor qurdy. Bul qor densaýlyq saqtaý jáne balalardy qorǵaý salasynda qordalanǵan máselelerdi sheshý sharalaryn jeke menshik jáne memlekettik qarajat esebinen qarjylandyrady. Qor áleýmettik mindetterdi sheshetin qosymsha quralǵa aınalady. Osy qor aıasynda az qamtylǵan otbasylardyń balalaryna tegin usyný máseleleri qarastyrylady dep topshylaımyn», -dedi sarapshy.
