Bekjan Bapyshev Abaı oblysy ákiminiń orynbasary bolyp taǵaıyndaldy
ASTANA. KAZINFORM — Aımaq basshysy Berik Ýálı búgin oblys aktıvine jańa ákimdi tanystyrdy, dep habarlaıdy Abaı oblysy ákimdiginiń baspasóz qyzmeti.
— Prezıdent Ákimshiliginiń kelisimimen, Abaı oblysynyń ákimi Berik Ýálıdiń ókimimen 2026 jyldyń 23 shildesinen bastap Bekjan Meırambekuly Bapyshev oblys ákiminiń orynbasary laýazymyna taǵaıyndaldy, — delingen habarlamada.
Bekjan Meırambekuly Bapyshev Shyǵys Qazaqstan oblysynda dúnıege kelgen. 2011 jyly S.Amanjolov atyndaǵy Shyǵys Qazaqstan ýnıversıtetin «Quqyqtaný» mamandyǵy, 2024 jyly Qazaqstan Respýblıkasy Prezıdentiniń janyndaǵy Memlekettik basqarý akademııasynyń magıstratýrasyn «Memlekettik saıasat» mamandyǵy boıynsha támámdady.
Eńbek jolyn Astana qalasy Almaty aýdany ákiminiń apparatynda bastaǵan.
2013-2015 jyldary Astana qalasy Saryarqa aýdany ákiminiń apparatynda óndiristik-tehnıkalyq, tynys-tirshilikti qamtamasyz etý jáne ınfraqurylym bólimderinde bas maman, 2015-2016 jyldary Almaty aýdany ákiminiń apparatynyń múlikti jarııa etý komıssııasynda, óndiristik-tehnıkalyq bólimde tehnık, bas maman, bólim basshysy bolyp eńbek etti.
Ár jyldary Astana qalasy Esil aýdany ákiminiń apparatynda ınfraqurylym bólimi men Astana qalasy Almaty aýdany ákiminiń apparatynda abattandyrý jáne óndiristik-tehnıkalyq bólimderin basqaryp, Astana qalasy Almaty aýdany ákiminiń orynbasary qyzmetin atqardy.
2025-2026 jyldary Semeı qalasy ákiminiń orynbasary, qala ákiminiń mindetin atqarýshy (alty aı), oblystyq Qurylys basqarmasynyń basshysy boldy.
Taǵaıyndalǵanǵa deıin Abaı oblysy týrızm basqarmasynyń basshysy qyzmetin atqardy.
Osyǵan deıin Shyǵys Qazaqstan oblysy ákiminiń birinshi orynbasary taǵaıyndalǵanyn jazdyq.
