Bekzatty eske alýǵa arnalǵan halyqaralyq boks týrnıri ótýde
ASTANA. QazAqparat - Túrkistanda Sıdneı Olımpıadasynyń jeńimpazy, «Barys» ordeniniń ıegeri, Túrkistan perzenti Bekzat Sattarhanovty eske alýǵa arnalǵan bokstan jastar arasynda HІІІ halyqaralyq týrnır jalaýyn kóterdi.
Túrkistan qalasy ákimi apparatynyń baspasóz qyzmetinen habarlaǵandaı, dástúrli básekede baqtaryn synaýǵa elimizdiń barlyq oblystary men Qyrǵyzstan, Ázerbaıjan, Ózbekstan, Reseı sekildi shet memleketterden 200-ge jýyq jas sportshylar qatysýda.
«Bekzatty eske alýǵa arnalǵan saıystyń mańyzdylyǵy jas sportshylarymyzdyń áleýetin baıqaýǵa úlken septigin tıgizedi. Sebebi, bylǵary qolǵap kıgen órenderimiz tek el ishi emes halyqaralyq deńgeıde baqtaryn synaıdy», - deıdi atalǵan jarys jóninde danqty boksshy, Qazaqstannyń eńbek sińirgen sport sheberi Muhtarhan Dildábekov.
Halyqaralyq báseke Bekzattyń týǵan kúni ıaǵnı, 4 sáýirde óz máresine jetpek. Oǵan deıin shyn myqtylar sharshy alańda qolǵap túıistiretin bolady.
