Bekzat Nurdáýletovtiń kavkazdyq qarsylastary myqty – Bas bapker
NUR-SULTAN. QazAqparat – Bokstan Qazaqstan erler quramasynyń bas bapkeri Ǵalymbek Kenjebaev Tokıo Olımpıadasynda 81 kelide óner kórsetetin Bekzat Nurdáýletovtiń alǵashqy qarsylastary týraly pikir bildirdi, dep habarlaıdy QazAqparat tilshisi.
«Bekzattyń jerebesi ońaı dep aıtýǵa bolmaıdy. Reseılik Imam Hataev degen boksshy – óte myqty sportshy. Fızıkalyq jaǵynan, psıhologııalyq jaǵynan da myǵym. Sol jekpe-jekti jaqsy ótkizse, ári qaraı biz biletin Ispanııanyń ulty daǵystandyq boksshysy bar. Sheshenstandyq Hataev ta, bul daǵystandyq ta fızıkalyq jáne psıhologııalyq jaǵynan myǵym keletinin bilip otyrsyzdar. Bekzatqa osy birinshi jekpe-jekterden jaqsylap ótý kerek. Onyń daıyndyǵy jaqsy. Bekzatqa senemiz. Jeke bapkeri Marat Jákıev te qasynda. Daıyndyq erekshe bolyp jatyr. Bekzattan biz úmit kútemiz», - dedi Ǵalymbek Kenjebaev.
Sondaı-aq, bas bapker 75 kelide synǵa túsetin Ábilhan Amanquldyń jaraqaty týraly pikir bildirdi.
