Bekzat Nurdáýletov Tokıo Olımpıadasyndaǵy alǵashqy jekpe-jeginde jeńildi

NUR-SULTAN. QazAqparat – Bokstan Tokıo Olımpıadasynda Qazaqstan komandasynyń úzdigi Bekzat Nurdáýletov jeńilip qaldy, dep habarlaıdy Olympic.kz.

81 kelige deıingi salmaqta judyryqtasqan Bekzat Nurdáýletov reseılik Imam Hataevpen kezdesken bolatyn.

Tartysty kezdesýde tóreshiler 4:1 esebimen jeńisti reseılik boksshy Imam Hataevqa berdi.

Osylaısha, 2019 jylǵy álem chempıony Bekzad Nurdáýletov Tokıo Olımpıadasyndaǵy birinshi jekpe-jeginde jeńilis tapty.

Al Qazaqstan boksshylary sapynan tórtinshi sportshy Olımpıadany aıaqtady.

FOTO: Turar Qazanǵapov, Qazaqstan UOK