12:38, 02 Qazan 2022 | GMT +6
Bekzat Nurdáýletov Polshadaǵy boks keshinde jeńiske jetti
ASTANA. QazAqparat – Qazaqstandyq boksshylar Bekzat Nurdáýletov, Bekman Soılybaev jáne Meıirim Nursultanov Lıýblınde (Polsha) ótken boks keshinde óner kórsetti, dep habarlaıdy QazAqparat Sports.kz saıtyna silteme jasap.
Birinshi bolyp rıngke Bekzat Nurdáýletov (6-0, 2 KO) shyqty. Ol grýzııalyq ıAgo Kızırııamen (6-9, 4 KO) segiz raýnd judyryqtasyp, tóreshilerdiń biraýyzdan sheshimimen jeńiske jetti.
Buǵan deıin habarlanǵandaı, qazaqstandyq boksshy Meıirim Nursultanov WBO tıtýlyn qorǵaǵan bolatyn.
Bekman Soılybaev mansabyndaǵy on besinshi jeńisine qol jetkizip, WBA ekinshi belbeýin ıelendi.
Úsh qazaqstandyq boksshy Polshada WBA jáne WBO tıtýly úshin judyryqtasady.
