Bekzada Tájibaeva TJM «Qazavıaqutqarý» AQ baspasóz hatshysy bolyp taǵaıyndaldy
ASTANA. KAZINFORM – Qazaqstan Respýblıkasynyń TJM «Qazavıaqutqarý» AQ bas dırektorynyń buıryǵymen qoǵamnyń baspasóz hatshysy bolyp Bekzada Tájibaeva taǵaıyndaldy.
Bekzada Tájibaeva 1999 jylǵy 5 naýryzda Atyraý oblysynda dúnıege kelgen. Ál-Farabı atyndaǵy Qazaq ulttyq ýnıversıtetin «Fılologııa» mamandyǵy (bakalavr), sondaı-aq Qazaqstan ınnovatsııalyq jáne telekommýnıkatsııalyq júıeler ýnıversıtetin «Quqyqtaný» mamandyǵy boıynsha (magıstr) bitirdi.
Eńbek jolyn ishki ister organdarynda bastady, onda Atyraý qalasy polıtsııa basqarmasy kóshi-qon qyzmeti bóliminiń jetekshi mamany laýazymynda jumys istedi. Taǵaıyndalǵanǵa deıin Atyraý oblysy Tótenshe jaǵdaılar departamenti ımıdjdik jumys jáne syrtqy kommýnıkatsııalar tobynyń bas mamany bolyp qyzmet atqardy.
Іshki ister organdarynda jáne azamattyq qorǵaý júıesinde alty jyldan astam jumys tájirıbesi bar. Qazaqstan Respýblıkasy Tótenshe jaǵdaılar mınıstrliginiń vedomstvolyq nagradalarymen nagradtalǵan.
Eske sala keteıik, buǵan deıin Rýstam Álı QR Mádenıet jáne aqparat vıtse-mınıstri bolyp taǵaıyndalǵanyn habarlaǵanbyz.
