Bekzad Nurdáýletovtiń aldaǵy jekpe-jegi ótetin kún belgilendi

ASTANA. QazAqparat - Qazaqstandyq boksshy Bekzad Nurdáýletov (5-0, 2 KO) aldaǵy jekpe-jegi ótetin kúndi belgiledi, dep habarlaıdy QazAqparat tilshisi.

Adal Promotions promoýterlik kompanııasynyń aqparaty boıynsha boksshy Polshanyń Lıýblıne qalasynda sharshy alańǵa shyǵady. Qarsylasy - grýzııalyq ıAgo Kızırııa (6-8, 4 KO). Jekpe-jek reıtıngtik baǵytta ótkiziledi.

Bekzad Nurdáýletov buǵan deıingi sońǵy jekpe-jegin 11 maýsymda Aqtaý qalasynda ótkizdi. Onda tóreshilerdiń biraýyzdan Bekzad qazaqstandyq Mıhaıl Kohanchıkten (4-1, 4 KO) basym tústi dep tapty.

Bekzad Nurdáýletov áýesqoı boksta 2019 jyly álem chempıony atandy.

Al ıAgo Kızırııaǵa keletin bolsaq, ol 5 tamyzda Polshanyń Mragovo qalasynda tóreshiler sheshimimen jergilikti Pavel Shtepenge (18-0-1, 12 KO) jeńildi.

Eske salsaq, budan buryn Alvarespen úshinshi aıqastan keıin Golovkın álemdik reıtıngide joǵarylady.