Bekzad Nurdáýletov olımpıadalyq salmaqqa aýysatyn boldy

ASTANA. KAZINFORM - Qazaqstandyq boksshy Bekzad Nurdáýletov olımpıadalyq salmaqqa aýysatyn boldy.

Bylǵary qolǵap sheberi qazir 85 keli salmaqta synǵa túsip júr. Endi ol aldaǵy jyldary olımpıadalyq salmaqqa aýysýǵa nıet tanytyp otyr. Aıta ketsek, 2028 jylǵy Los-Andjeles Olımpıadasynda 80 keli jáne 90 kelide medal sarapqa salynady.

B. Nurdáýletov 1999 jyly dúnıege kelgen. 2019 jyly álem chempıony ataǵyn jeńip alsa, 2024 jyly Azııa chempıonatynda jeńis tuǵyryna kóterildi. 2020 jyldan beri kásipqoı boksta da sharshy alańǵa shyǵyp júr.

Ol jaqynda Astanada ótken álem kýbogynda chempıon atandy. Jartylaı fınalda Bekzad úndistandyq Djýgnýdy qapy qaldyrdy.

Bekzad áýesqoı boksqa oralý sebebin túsindirgen edi.

- Áýesqoı boksqa qaıta oralýymnyń birneshe sebebi bar. Onyń ishindegi eń mańyzdysy – elimizdiń namysyn iri jarystarda qorǵaǵym keldi. Sondyqtan qaıta oraldym. Árıne, kásibı bokstan túbegeıli ketken joqpyn. Ol jaqta da alatyn asýym, shyǵar bıigim bar, - dedi ol.