Bektenovtiń EKAZENT Management GmbH basshylyǵymen kezdesýinde qandaı máseleler talqylandy

ASTANA. KAZINFORM – Premer-mınıstr Oljas Bektenov Astana halyqaralyq forýmynyń qatysýshylary – aýstrııalyq EKAZENT Management GmbH kompanııasynyń basshylyǵy: bas operatsııalyq dırektor Gabrıel Konstantın Kefer, basqarýshy dırektor Norbert Pfýndermen kezdesý ótkizdi. 

Basqosýda Qazaqstannyń saýda jáne týrıstik áleýetin damytý boıynsha birlesken jumysqa kóńil bólindi. Atap aıtqanda yntymaqtastyq baǵyttary, onyń ishinde Almaty oblysynda aýtlet ortalyǵyn salý boıynsha ınvestıtsııalyq jobany júzege asyrý perspektıvalary talqylandy. 

Joba óńirdiń saýda jáne týrıstik tartymdylyǵyn arttyrýǵa baǵyttalǵan jáne tek Qazaqstannan ǵana emes, kórshiles elderden de satyp alýshylardy tartýǵa arnalǵan. Ortalyqtyń qurylysy shaǵyn jáne orta bıznesti damýytýǵa, ınvestıtsııa tartýǵa jáne taýar aınalymyn arttyrýǵa tyń serpin beredi.

Taraptar Qazaqstanda zamanaýı kommertsııalyq jobalardy, onyń ishinde damyǵan logıstıkalyq ınfraqurylymdy júzege asyrý úshin barynsha qolaıly jaǵdaı jasalǵanyn atap ótti. Týrıstik áleýeti men óńirdiń iri ekonomıkalary: Qytaı, Reseı jáne Ortalyq Azııa elderi mańynda qolaıly geografııalyq ornalasýy Qazaqstan naryǵyn anaǵurlym tartymdy etip otyr. Kezdesý sońynda qatysýshylar jobany is júzinde iske asyrýǵa daıyn ekenderin jetkizdi.

Aıta keteıik, EKAZENT Management – saýda jáne aýtlet ortalyqtaryn basqarý qyzmetteriniń tolyq keshenin usynatyn aýstrııalyq jyljymaıtyn múlik naryǵyndaǵy kóshbasshylarynyń biri.