Bektenov TJYU qatysýshylaryn tsıfrlyq sheshimderdi belsendi paıdalanýǵa shaqyrdy
ASTANA. KAZINFORM – Elimiz shekarada rásimdeý ýaqytyn 30 mınýtqa deıin qysqartatyn Tezcustoms platformasyn ózge memlekettermen de qoldanysqa engizedi. Bul týraly Temirjoldar yntymaqtastyǵy uıymy konferentsııasynyń 40-otyrysynda Premer-mınıstr Oljas Bektenov aıtty.
- Qazaqstan Prezıdenti tsıfrlyq tehnologııalardyń damýyna zor mán bere otyryp, 2026 jyldy Tsıfrlandyrý jáne jasandy ıntellekt jyly dep jarııalady. Osy oraıda, qazirgi tańda Tezcustoms platformasy engizilýde. Ol Qytaımen shekarada rásimdeý ýaqytyn 8 saǵattan 30 mınýtqa deıin qysqartýǵa múmkindik berdi. Atalǵan jumys basqa eldermen de jalǵasýda. Sondyqtan uıymnyń qatysýshylaryn temirjol jelileriniń ótkizý qabiletin arttyrý maqsatynda ozyq tsıfrlyq sheshimderdi belsendi paıdalanýǵa shaqyramyn, - dedi Oljas Bektenov.
Onyń aıtýynsha, tarıhı turǵydan alǵanda temirjoldar kez kelgen memlekettiń ekonomıkalyq damý úderisinde mańyzdy ról atqarady.
- Paıda bolǵan sátinen bastap temirjol salasy jahandyq suranystardyń artýyna sáıkes úzdiksiz damyp, eń tehnologııalyq jáne avtomattandyrylǵan júıelerdiń birine aınaldy. Búgingi konferentsııa bizdiń halyqtarymyz ben ekonomıkalarymyzddyń arasynda berik baılanystardy nyǵaıtyp, syndarly dıalog ornatýǵa múmkindik beretinine senimdimin, - dedi Premer-mınıstr.
Aıta keteıik, elimiz 2023 jylǵa qaraı tranzt kólemin jylyna 100 mln tonna jetkizýdi josparlap otyr.
