Bektenov taý-ken alpaýyttarynyń aınalasynda orta bıznes beldeýin uıymdastyrýdy tapsyrdy
ASTANA. KAZINFORM — Premer-mınıstr Oljas Bektenov Úkimet otyrysynda taý-ken salasyndaǵy iri kásiporyndardyń aınalasynda jaǵyn jáne orta bıznes beldeýin uıymdastyrýdy tapsyrdy.

— Ónerkásip mınıstrligi osy jyldyń 1 qazanyna deıin iri taý-ken kásiporyndarymen birlesip, joǵary deńgeıde óńdelgen ónimder shyǵarý boıynsha sharalar keshenin ázirlesin.
Júıetúzýshi kásiporyndar aınalasynda shaǵyn jáne orta bıznes beldeýin qurýdy yntalandyratyn is-sharalardy eskerý qajet.
Ónerkásip mınıstrligi «Samuryq-Qazyna» qorymen birlesip, asa mańyzdy jáne sırek metaldar negizinde tehnologııalyq turǵydan ınnovatsııalyq ónim óndirisin damytýǵa tıis. Jobalar qosylǵan quny joǵary ónimder jasaýǵa baǵyttalýy qajet, — dedi ol.
Úkimet basshysy el aýmaǵynda tuıyq tsıkldy ekonomıka qurý úshin metaldar men óndiris qaldyqtaryn qaıta óńdeý sharalaryn ázirleýdi tapsyrdy.
— Ǵylym jáne joǵary bilim mınıstrligi Ónerkásip mınıstrligimen birlesip, bir aı merzimde sala mamandaryn daıarlaý baǵdarlamasyn daıyndaýǵa tıis.
Sondaı-aq ǵylymdy óndiriske qajetti jańa tehnologııalardy ázirlep, engizýge belsendi túrde tartý kerek. Baqylaý men úılestirý Roman Vasılevıch Sklıarda, — dedi Oljas Bektenov.
Úkimettiń boljamyna sensek, 2030 jylǵa qaraı Qazaqstanda mys óndirisi 2 ese, bolat óndirisi 3 ese artady.