Bektenov XXV jazǵy Sýrdlımpıada oıyndarynyń júldegerleri men jattyqtyrýshylaryna nagradalar tabys etti
ASTANA. KAZINFORM — Oljas Bektenov Prezıdent atynan XXV jazǵy Sýrdlımpıada oıyndarynyń júldegerleri men jattyqtyrýshylaryna memlekettik nagradalar tabys etti. Bul týraly Úkimettiń baspasóz qyzmeti habarlady.
Memleket basshysy Qasym-Jomart Toqaevtyń tapsyrmasy boıynsha Premer-mınıstr Oljas Bektenov bıyl 15-26 qarasha aralyǵynda Tokıo qalasynda (Japonııa) ótken XXV jazǵy Sýrdlımpıada oıyndaryna qatysýshy qazaqstandyq sportshylarǵa memlekettik nagradalar tabys etti.
Premer-mınıstr Oljas Bektenov sportshylardy qoldaý Úkimet jumysynyń basym baǵyttarynyń biri ekenin atap ótip, Ulttyq quramaǵa, onyń mamandary men bapkerler quramyna jeńiske jetý jolynda tabandylyq pen erik-jigerdiń úlgisin kórsetken úılesimdi jáne nátıjeli jumystary úshin alǵysyn bildirdi.
2025 jylǵy Sýrdlımpıada oıyndaryna 81 memleketten 3 myńǵa jýyq sportshy qatysty. Qazaqstandyq sportshylar segiz sport túrinen el namysyn qorǵap, 8 altyn, 4 kúmis jáne 13 qola — barlyǵy 25 medal jeńip aldy. Nátıjesinde QR Ulttyq quramasy jalpy komandalyq esepte 9-shy oryndy ıelendi.
— Memleket basshysy Qasym-Jomart Toqaev halyqqa Joldaýynda buqaralyq sportty damytýǵa, erekshe qajettilikteri bar azamattar úshin sport ǵımarattaryn salýǵa basa nazar aýdarý qajettigin atap ótti.
Sýrdlımpıada oıyndary bizdiń elimizdegi sýrdlımpıada qozǵalysynyń turaqty damyp kele jatqanyn aıǵaqtaıdy. Bul sporttyq uıymdardyń, jattyqtyrýshylardyń sondaı-aq, óz eńbegimen bolashaq jeńisterge berik negiz qalaıtyn sportshylardyń úılesimdi jáne tynymsyz jumysynyń nátıjesi.
Prezıdenttiń tapsyrmalaryn júzege asyrý sheńberinde Úkimet kásibı jáne buqaralyq sportty damytý, sportshylardy qoldaý boıynsha jumystar júrgizýde, jańa ınfraqurylym nysandary salynýda. Júıeli jáne ýaqtyly sharalar jalpy jetistikti arttyrýǵa jáne búkil sport salasyn odan ári damytýǵa múmkindik beredi,
— dep atap ótti Oljas Bektenov.
Marapattaý barysynda sýrdo dzıýdo sportshylarynyń jetistikteri atap ótildi. Olardyń joǵary deńgeıde óner kórsetýi Qazaqstanǵa 11 medal (5 altyn, 2 kúmis jáne 4 qola) alyp keldi jáne Sýrdlımpıada oıyndarynyń jarqyn jetistikteriniń biri boldy. Komanda kóshbasshylarynyń qatarynda úsh dúrkin jáne eki dúrkin chempıon atanǵan Erkebulan Qanafın men Shadııar Qýandyq bar.
Al bıiktikke sekirýden ulttyq qurama qorjynyna altyn medal salǵan jeńil atletshi Faına Meırmanova 1,79 metrdi baǵyndyryp, Oıynyń rekordyn ornatty.
Erkin jáne grek-rım kúresinde chempıon atanǵan balýandar Andreı Samarın men Shadııar Pernesh te jalpy nátıjege aıtarlyqtaı úles qosty.
Ústel tennısinde Qanat Konkýbaev, Danııar Eskendirov, Bıjan Tólebaev jáne Abylaı Búrkitbaı qola júldege ıe boldy.
Taekvondoda Aıan Abdrash, Aıjamol Abdıkatova jáne Aıda Makatova qola júldeger atandy.
Premer-mınıstr qol jetkizilgen barlyq nátıjeler qazaqstandyq sportshylardy daıarlaýdyń joǵary deńgeıi jáne olardyń asa mańyzdy sporttyq syn-qaterlermen oıdaǵydaı kúresýge qabilettiligin kórsetetinin atap ótti.
Marapattalǵandardyń atynan jattyqtyrýshylar Serik Danııarov pen Maksım Rojkov sóz sóıledi.
— Barlyq sportshy men jattyqtyrýshynyń atynan Qazaqstan Prezıdentine sýrdlımpıada sportshylaryna kórsetken úlken qoldaýy úshin alǵys aıtqym keledi. Biz Sýrdlımpıada oıyndarynda 1997 jyldan beri óner kórsetip kelemiz. Qazaqstan úshin altyn medaldi birinshi bolyp jeńip alǵanym esimde. Osy jyldar ishinde óte úlken jumystar atqaryldy. Japonııadaǵy oıyndar bizdiń elimiz úshin jetistikke toly boldy. Biz alǵash ret kóp medal ıelendik. Osy dástúrimizdi ári qaraı jalǵastyramyz, — dedi QR Ulttyq Sýrdlımpıada quramasynyń jeńil atletıkadan jattyqtyrýshy Maksım Rojkov.
— Búgingi tańda aýqymdy jumystar atqaryldy. Biz osy Sýrdlımpıada oıyndarynda joǵary deńgeıde óner kórsettik, nátıjesinde osyndaı marapattar men jeńisterge qol jetkizdik. Elimizge, Prezıdentke úlken rahmet. Men ózimniń qola medalimdi Memleket basshysyna arnaǵym keledi, — dedi ústel tennısinen ulttyq qurama komandanyń aǵa jattyqtyrýshysy Serik Danııarov.
Marapattalǵandar:
«Qurmet» ordenimen:
Erkebulan Qanafın — Tokıodaǵy Sýrdlımpıada oıyndarynyń chempıony jáne komandalyq sport túrleri boıynsha chempıony (2025);
Shadııar Qýandyq — Tokıodaǵy Sýrdlımpıada oıyndarynyń chempıony jáne komandalyq sport túrleri boıynsha chempıony (2025);
Sergeı Dmıtrenko — sýrdo dzıýdodan QR ulttyq qurama komandasynyń bas bapkeri;
Qýanyshbek Muqash — QR Ulttyq Sýrdlımpıada komıtetiniń vıtse-prezıdenti;
Azamat Qarlyǵashev — QR Ulttyq Sýrdlımpıada komıtetiniń vıtse-prezıdenti.
QR Prezıdentiniń Alǵysymen:
Sáýle Shaqýova — QR Ulttyq Sýrdlımpıada komıtetiniń bas dırektory;
Serik Sápıev — QR Ulttyq Sýrdlımpıada komıtetiniń prezıdenti;
Aıjan Chokına — QR Ulttyq Sýrdlımpıada komıtetiniń bas hatshysy.
QR Premer-mınıstiniń Alǵys hatymen:
Ǵulama Hamze — Tokıodaǵy Sýrdlımpıada oıyndarynyń chempıony (2025 j.);
Amına Faızýlına — Tokıodaǵy Sýrdlımpıada oıyndarynyń kúmis júldegeri jáne komandalyq sport túrleri boıynsha chempıony (2025 j.);
Toqtarbek Aıdarbek — Tokıodaǵy Sýrdlımpıada oıyndarynyń kúmis júldegeri jáne komandalyq sport túrleri boıynsha chempıony (2025 j.);
Altynbek Kákitaev — Tokıodaǵy Sýrdlımpıada oıyndarynyń qola júldegeri (2025 j.);
Aıym Jetpısbaeva — Tokıodaǵy Sýrdlımpıada oıyndarynyń qola júldegeri (2025 j.);
Sabırjan Hapızov — Tokıodaǵy Sýrdlımpıada oıyndarynyń qola júldegeri jáne komandalyq sport túrleri boıynsha chempıony (2025 j.);
Anna Kramorova — Tokıodaǵy Sýrdlımpıada oıyndarynyń qola júldegeri jáne komandalyq sport túrleri boıynsha kúmis júldegeri (2025 j.);
Ersin Bolatov — Tokıodaǵy Sýrdlımpıada oıyndarynyń komandalyq sport túrleri boıynsha chempıony (2025 j.);
Aıdos Túgelbaev — Tokıodaǵy Sýrdlımpıada oıyndarynyń komandalyq sport túrleri boıynsha chempıony (2025 j.);
Anastasııa Tımoshenkova — Tokıodaǵy Sýrdlımpıada oıyndarynyń komandalyq sport túrleri boıynsha kúmis júldegeri (2025 j.);
Dına Adambaeva — Tokıodaǵy Sýrdlımpıada oıyndarynyń komandalyq sport túrleri boıynsha kúmis júldegeri (2025 j.);
Ferıde Karaogly — Tokıodaǵy Sýrdlımpıada oıyndarynyń komandalyq sport túrleri boıynsha kúmis júldegeri (2025 j.);
Olga Garaeva — Tokıodaǵy Sýrdlımpıada oıyndarynyń komandalyq sport túrleri boıynsha kúmis júldegeri (2025 j.),
Faına Meırmanova — Tokıodaǵy Sýrdlımpıada oıyndarynyń chempıony (2025 j.),
Nursultan Kúldeev — Tokıodaǵy Sýrdlımpıada oıyndarynyń qola júldegeri (2025 j.),
Aıan Abdrash — Tokıodaǵy Sýrdlımpıada oıyndarynyń qola júldegeri (2025 j.),
Aıjamol Abdıkatova — Tokıodaǵy Sýrdlımpıada oıyndarynyń qola júldegeri (2025 j.),
Aıda Makatova — Tokıodaǵy Sýrdlımpıada oıyndarynyń qola júldegeri (2025 j.),
Andreı Samarın — Tokıodaǵy Sýrdlımpıada oıyndarynyń chempıony (2025 j.);
Ramazan Ábdrasil — Tokıodaǵy Sýrdlımpıada oıyndarynyń qola júldegeri (2025 j.);
Haırathaan Shonký — Tokıodaǵy Sýrdlımpıada oıyndarynyń kúmis jáne qola júldegeri (2025 j.);
Shadııar Pernesh — Tokıodaǵy Sýrdlımpıada chempıony (2025);
Ǵabıt Esjanov — Tokıodaǵy Sýrdlımpıada oıyndarynyń kúmis júldegeri (2025 j.);
Ǵasyr Turǵynbaı — Tokıodaǵy Sýrdlımpıada oıyndarynyń qola júldegeri (2025 j.);
Sabyrjan Rsaly — Tokıodaǵy Sýrdlımpıada oıyndarynyń komandalyq sport túrleri boıynsha qola júldegeri (2025 j.);
Qanat Konkýbaev — Tokıodaǵy Sýrdlımpıada oıyndarynyń komandalyq sport túrleri boıynsha qola júldegeri (2025 j.);
Danııar Iskendırov — Tokıodaǵy Sýrdlımpıada oıyndarynyń komandalyq sport túrleri boıynsha qola júldegeri (2025);
Abylaı Búrkitbaı — Tokıodaǵy Sýrdlımpıada oıyndarynyń komandalyq sport túrleri boıynsha qola júldegeri (2025 j.);
Bıjan Tólebaev — Tokıodaǵy Sýrdlımpıada oıyndarynyń komandalyq sport túrleri boıynsha qola júldegeri (2025 jyl);
Zýlfııa Muhamedııarova — dzıýdodan QR ulttyq qurama komandasynyń aǵa jattyqtyrýshysy;
Nurjan Seıitqanov — dzıýdodan QR ulttyq qurama komandasynyń aǵa jattyqtyrýshysy;
Bogdan Veselskıı — jeńil atletıkadan ulttyq quramanyń aǵa jattyqtyrýshysy;
Elena Ponomareva — jeńil atletıkadan ulttyq qurama komandasynyń aǵa jattyqtyrýshysy;
Erlan Muqajan — grek-rım kúresinen QR ulttyq qurama komandasynyń aǵa jattyqtyrýshysy;
Ernazar Qonysbaev — erkin kúresten QR ulttyq qurama komandasynyń aǵa jattyqtyrýshysy;
Bek Moldahmetov — erkin kúresten QR ulttyq qurama komandasynyń aǵa jattyqtyrýshysy;
Serik Danııarov — ústel tennısinen ulttyq qurama komandasynyń aǵa jattyqtyrýshysy;
Erbol Sımambaev — thekvondodan ulttyq qurama komandasynyń bas bapkeri;
Maksım Rojkov — jeńil atletıkadan jattyqtyrýshy;
Merhat Bolathanov — thekvondodan ulttyq qurama komandasynyń aǵa jattyqtyrýshysy;
Mervert Beısova — «Ulttyq sporttyq medıtsına jáne ońaltý ortalyǵy» ShJQ RMK medbıkesi;
Nurıla Almenova — «Ulttyq sporttyq medıtsına jáne ońaltý ortalyǵy» ShJQ RMK medbıkesi.
Aıta ketelik Sýrdlımpıada oıyndary aıaqtaldy: Qazaqstan 25 medal enshilegen edi.