Bektenov Sholpan-Ata qalasynda EÚAK-tyń shaǵyn quramdaǵy otyrysyna qatysty
ASTANA. KAZINFORM – Qazaqstan Respýblıkasynyń Premer-mınıstri Oljas Bektenov Sholpan-Ata (Qyrǵyzstan) qalasynda ótip jatqan Eýrazııalyq úkimetaralyq keńestiń shaǵyn quramdaǵy otyrysyna qatysty. Bul týraly Úkimettiń baspasóz qyzmeti habarlady.
Jıynǵa Belarýs Respýblıkasynyń Premer-mınıstri Aleksandr Týrchın, Qyrǵyzstan Mınıstrler kabınetiniń tóraǵasy – Qyrǵyz Respýblıkasy Prezıdenti Ákimshiliginiń basshysy Adylbek Qasymalıev, Reseı Federatsııasy Úkimetiniń tóraǵasy Mıhaıl Mıshýstın jáne Armenııa Respýblıkasynyń vıtse-premeri Mger Grıgorıan qatysty
Onda bıylǵy 31 qańtarda Almaty qalasynda ótken Eýrazııalyq úkimetaralyq keńeste berilgen tapsyrmalardyń oryndalý barysy qaraldy.
Kedendik jáne salyqtyq ákimshilendirýdi tsıfrlandyrý salasyndaǵy ıntegratsııany damytýdyń strategııalyq baǵyttaryn júzege asyrýǵa, qazirgi zamanǵy tehnologııalardy qoldana otyryp aqparat almasýdy jetildire túsýge nazar aýdaryldy.
Aıta ketelik Bektenov Qyrǵyzstandaǵy shıpajaılar qurylysyn Úkimet baqylaýynda ustaıtynyn aıtty.