Bektenov: Shetelden týrıst shaqyrýda eskirgen málimetterdi paıdalanýdy qoıý kerek

ASTANA. KAZINFORM –Premer-mınıstr Oljas Bektenov Úkimet otyrysynda sheteldik týrısterdi elge shaqyrý jumysy nemquraıdy uıymdastyrylyp jatqanyn synady.

- Sheteldik týrıst saıahattaıtyn eldi tańdamas buryn ashyq derekkózderdegi aqparatty, eń aldymen, ınternet pen áleýmettik jelini sholyp shyǵady. Bizde sońǵy tórt jylda sheteldik týrısterdi tartý quraldary jańartylmaǵan. Eskirgen aqparattar paıdalanylyp keledi, mádenı, etnografııalyq jáne basqa da materıaldar qamtylmaıdy, - dedi Oljas Bektenov.

Premer-mınıstr múddeli organdarǵa bir aı ishinde sheteldik týrısterdi tartýdyń jańa tásiline kóshýdi tapsyrdy.

- Týrızm jáne sport, Mádenıet jáne aqparat mınıstrlikteri, «Kazakh Tourism» kompanııasy ákimdiktermen birge bir aı merzimde Qazaqstandaǵy barlyq mádenı, sporttyq jáne basqa da buqaralyq is-sharalardy eskere otyryp, 2026 jylǵa arnalǵan egjeı-tegjeıli jumys josparyn ázirlesin, - dedi Úkimet basshysy.

Sondaı-aq, ol «Kazakh Tourism» basshysy Talǵat Ǵazızovke laýazymyna laıyq ekenin dáleldeý úshin nátıje kórsetý kerektigin eskertti.