Bektenov shahtadaǵy apatqa qatysty: muqııat tekserip, zardabyn joıý kerek

ASTANA. KAZINFORM — Úkimet basshysy Oljas Bektenov Ulytaý oblysy Jomart shahtasyndaǵy apattan qaza tapqan jumysshylardyń otbasyna kóńil aıtty.

— Búgingi otyrysty Ulytaý oblysyndaǵy tótenshe jaǵdaıdan bastaımyz. Úkimettiń atynan shahtadaǵy apat saldarynan qaza tapqan kenshilerdiń týǵan-týystary men jaqyndaryna kóńil aıtamyn. Marqumdardyń otbasyna barlyq qajetti kómek kórsetiledi. Oqıǵa ornynda tıisti qyzmetter jumys istep jatyr, — dedi Oljas Bektenov Úkimet otyrysynda.

Memleket basshysynyń tapsyrmasymen apattyń sebepterin tekserý jáne zardaptardy joıý boıynsha úkimettik komıssııa quryldy.

— Ony meniń orynbasarym Qanat Aldabergenuly Bozymbaev basqardy. Oqıǵanyń mán-jaıyn muqııat tekserip, zardaptaryn joıý kerek, — dedi ol.

Buǵan deıin Úkimet basshysynyń orynbasary Qanat Bozymbaev Ulytaý oblysy Jomart shahtasyndaǵy apattyń sebebi 10 kúnniń ishinde aıaqtaıtynyn aıtty.

Eske sala ketsek, 17 aqpanda Ulytaý oblysyndaǵy shahtada apat bolyp, 7 adam tótenshe jaǵdaıda qalǵan edi. 

Keıin kabelderdiń úzilýine baılanysty jumysshylarmen baılanys joqtyǵy aıtyldy. 

Shahta astynda qalǵan qalǵan jumysshylardyń barlyǵy mert bolǵany anyqtaldy. 

Memleket basshysy Ulytaý oblysynda kenshilerdiń qaza tabýyna baılanysty kóńil aıtty. 

Aıta keteıik, qaza tapqan kenshilerdiń otbasylaryna járdemaqylar men tólemder taǵaıyndalady. 

Sondaı-aq Ulytaý oblysynda shahtanyń opyrylýyna baılanysty úkimettik komıssııa quryldy.