Bektenov «Samuryq-Qazynaǵa» Jańaózendegi gaz óńdeý zaýytyn tezdetip salýdy tapsyrdy
ASTANA. KAZINFORM — Premer-mınıstr Oljas Bektenov Úkimet otyrysynda «Samuryq-Qazyna» qoryna Jańaózendegi gaz óńdeý zaýytyn tezdetip salýdy tapsyrdy.
— Energetıka mınıstrligi «QazaqGaz» jáne «QazMunaıGaz» kompanııalarymen birlesip,
1 maýsymǵa qaraı Úkimetke jańa gaz ken oryndaryn damytý jáne ıgerý jóninde usynystar engizsin. Sondaı-aq Ónerkásip mınıstrligine Energetıka mınıstrligimen birlesip, osy jylǵy tamyz aıynyń sońyna deıin jer qoınaýyn paıdalanýdyń biryńǵaı platformasyn iske qosýdy tapsyramyn. «Samuryq-Qazyna» qory Qashaǵan men Jańaózendegi gaz óńdeý zaýyttarynyń qurylysyn ýaqtyly aıaqtaýdy erekshe baqylaýǵa alsyn, — dedi ol.
Al Energetıka mınıstrligine osy jyldyń úshinshi toqsanynda Qarashyǵanaq gaz óńdeý zaýytyna ınvestıtsııa tartý baǵytynda naqty sheshim qabyldaýdy tapsyryldy.
Eske salsaq, Prezıdent Qasym-Jomart Toqaev Jańaózen gaz óńdeý zaýyty qurylysynyń keshigýin Úkimettiń óreskel olqylyǵy retinde baǵalaǵan edi.
Osyǵan deıin Premer-mınıstr Oljas Bektenov QazaqGaz ulttyq kompanııasynyń basqarma tóraǵasy Sanjar Járkeshevke saladaǵy problemalardy ashyp aıtpaǵany úshin eskertý jasady.
Sonymen qatar Qazaqstan 3 aıda 17,2 mlrd tekshe metr gaz óndirgeni belgili boldy.
Qazir QazaqGaz 535,5 mlrd tekshe metr gaz qory bar 15 ýchaskeni barlap jatyr.
Taýarlyq gazǵa arnalǵan «áleýmettik ámııan» gazdandyrylǵan óńirlerdiń bárine taratylatyn boldy.