Bektenov: Parany aıtarlyqtaı kólemde bergenderdiń isi budan bylaı aýyr qylmys túrine jatady

NUR-SULTAN. QazAqparat – Parany aıtarlyqtaı kólemde bergenderdiń isi budan bylaı aýyr qylmys túrine jatady. Bul týraly tolyǵyraq OKQ alańynda ótken baspasóz máslıhatynda QR Sybaılas jemqorlyqqa qarsy is-qımyl agenttigi tóraǵasynyń orynbasary Oljas Bektenov aıtyp berdi, dep habarlaıdy QazAqparat tilshisi.

«Qylmystyq jaýapkershilik zańsyz syıaqyny alýshylarǵa ǵana emes, deldaldar men para berýshilerge de kúsheıtildi. Máselen, parany aıtarlyqtaı kólemde bergender 5 jylǵa deıin bas bostandyǵynan aıyrylsa (bul aýyrlyǵy ortasha qylmys sanalyp kelgen), jańa redaktsııaǵa sáıkes, jaza 7 jylǵa deıin uzartylǵan. ıAǵnı bul qylmys avtomatty túrde aýyr qylmys túrine engizildi. Tıisinshe olar merziminen buryn bosap shyǵý quqyǵynan aıyrylyp, birden qaýipsizdigi tómen túzeý mekemesinde jazasyn óteý múmkindigine ıe bolmaıdy», - dedi QR Sybaılas jemqorlyqqa qarsy is-qımyl agenttigi tóraǵasynyń orynbasary Oljas Bektenov OKQ-da ótken baspasóz máslıhatynda.

Onyń aıtýynsha, halyq jemqorlyqqa qarsy kúrestiń kúsheıtilip kele jatqanyn túsinýi kerek.

«Parany alǵandar da, bergender de qatań jazalanady», - dedi ol.