Bektenov Nıgerııa Federatıvtik Respýblıkasynyń Ife Korolimen kezdesti
ASTANA. KAZINFORM – Qazaqstan Respýblıkasynyń Premer-mınıstri Oljas Bektenov elimizge Astana halyqaralyq forýmyna qatysý úshin kelgen Nıgerııa Federatıvtik Respýblıkasy Ife Koroli Oonı Adeıeıe Enıtan Ogýnvýsımen kezdesti.
Basqosý barysynda bıylǵy 14 qańtarda «Abý-Dabıdiń ornyqty damý aptalyǵy» halyqaralyq sammıti aıasynda qol jetkizilgen Qazaqstan men Nıgerııa prezıdentteri arasyndaǵy ýaǵdalastyqtardy júzege asyrý máseleleri talqylandy. Saýda-ekonomıkalyq jáne ınvestıtsııalyq yntymaqtastyqqa, AÓK, kólik jáne logıstıka, energetıka, geologııalyq barlaý, tsıfrlyq tehnologııalar jáne basqa da salalardaǵy ózara is-qımylǵa nazar aýdaryldy.
Byltyr Qazaqstan men Afrıka elderi arasyndaǵy jalpy taýar aınalymy 15,4%-ǵa ósip, $789,2 mln-dy qurady. Agrarlyq sektorda qazaqstandyq bıdaıdyń Nıgerııaǵa jetkizilý keleshegi qarastyryldy. Kólik jáne logıstıka salasynda Orta dáliz Qazaqstanǵa Soltústik jáne Batys Afrıka naryǵyna taýar eksporttaý úshin múmkindikter ashady.
Kezdesý qorytyndysy boıynsha taraptar Qazaqstan men Nıgerııa arasyndaǵy ekijaqty ózara tıimdi yntymaqtastyqty keńeıtýge járdemdesýge nıetti ekenin rastady.
Eske sala keteıik, buǵan deıin Oljas Bektenovtiń EKAZENT Management GmbH basshylyǵymen kezdesý ótkizgenin jazǵan edik.