Bektenov Samuryq-Qazynanyń otandyq óndirýshilerden taýar satyp alý kórsetkishin synady
ASTANA. KAZINFORM — Premer-mınıstr Oljas Bektenov Úkimet otyrysynda «Samuryq-Qazyna» kompanııasynyń qazaqstandyq óndirýshilerden taýar satyp alý kórsetkishin synady.
— Osy baǵyttaǵy áleýet áli tolyq ashylǵan joq. Ony ózderińiz bilesizder. Taýarlar boıynsha 23 paıyz ǵana. Ásirese iri jobalar boıynsha osyndaı problema bar, — dedi ol.
Úkimet basshysy Energetıka mınıstrine osy baǵyttaǵy tapsyrmalardy aıaǵyna deıin jetkizýdi tapsyrdy.
— Men olarmen kezdeskende únemi aıtyp júrmin. Qazaqstandyq kásiporyndardy tartý kerek ekenin, elishilik qundylyqty arttyrý kerek ekenin eske salyp otyramyn. Al sizderge ony ári qaraı baqylaýǵa alyp, aıaǵyna deıin jetkizý kerek, — dedi Oljas Bektenov.
Al buǵan deıin «QazMunaıGaz» el Úkimetine metaldan quıylǵan sý qubyrlaryn polımerge aýystyrýdy usynǵan bolatyn.