Bektenov medıtsınalyq saqtandyrý qoryndaǵy jemqorlyq týraly: Kináliler jaýapqa tartylady
ASTANA. KAZINFORM – Medıtsınalyq saqtandyrý qorynyń aqparattyq júıesi 1 shildege deıin Densaýlyq saqtaý mınıstrliginiń júıesine ıntegratsııalanýy kerek. Premer-mınıstr Oljas Bektenov Úkimet otyrysynda osyndaı tapsyrma berdi.
- Memleket basshysy Áleýmettik medıtsınalyq saqtandyrý qoryn Qarjy mınıstrliginiń qaramaǵyna berý týraly Úkimettiń sheshimin qoldady. Tıisti tekserýler bastalyp ketti. Kináli adamdar jaýapqa tartylady. Medıtsınalyq saqtandyrý qorynyń aqparattyq júıesi osy jyldyń 1 shildesine deıin Densaýlyq saqtaý mınıstrliginiń júıesine ıntegratsııalanýǵa tıis. Bul qarajatty paıdalanýdyń ashyqtyǵy men tıimdiligin qamtamasyz etedi, - dedi ol.
Premer-mınıstr Prezıdent Qasym-Jomart Toqaevtyń keshegi Ulttyq quryltaıda Úkimetke bergen tapsyrmalary tıisti deńgeıde oryndalýyn tikeleı ózi baqylaıtynyn eskertti.
- Áriptester, Memleket basshysynyń barlyq tapsyrmalary elimizdi aýqymdy jańǵyrtýdyń biryńǵaı uzaqmerzimdi strategııasymen úndesip jatyr. Olardy júzege asyrý barlyq qurylymdardyń naqty ári úılesimdi jumysyna baılanysty, - dedi Úkimet basshysy.
Eske salsaq, Prezıdent keshegi Ulttyq quryltaı otyrysynda medıtsınalyq saqtandyrý qorynan orasan zor qarajat urlanyp jatqanyn aıtqan bolatyn.