Bektenov: Qoǵamdaǵy kelisim men turaqtylyq – basty qazyna
ASTANA. KAZINFORM – Qazaqstan Respýblıkasynyń Premer-mınıstri Oljas Bektenov Qazaqstan halqynyń birligi merekesimen quttyqttady.
— Memleket basshysy Qasym-Jomart Kemeluly Toqaev birlik pen yntymaq — eshqashan eskirmeıtin qundylyqtar jáne ol memlekettik saıasattyń buljymas baǵdary bolyp qala beretinin árdaıym atap ótýde. Bul kún — elimizdegi ult pen ulystar arasyndaǵy tatýlyq pen ózara syılastyqtyń, san alýan mádenıet pen dástúr jarasym tapqan berekeli birliktiń aıqyn kórinisi, — dedi Oljas Bektenov.
Premer-mınıstr qoǵamyndaǵy kelisim men turaqtylyq — basty qazynanyń biri ári ornyqty damýdyń berik negizi ekenin aıtty.
— Qazaqstan qoǵamyndaǵy kelisim men turaqtylyq — bizdiń eń basty qazynamyzdyń biri ári ornyqty damýdyń berik negizi. Elimiz kez kelgen syn-qaterdi birlesip eńserip, ortaq maqsattarǵa umtylý arqyly damýdyń jańa kezeńine senimmen qadam basyp keledi.
Jalpyhalyqtyq referendýmda qabyldanǵan jańa Konstıtýtsııa — Ádiletti Qazaqstandy qurýǵa baǵyttalǵan tarıhı tańdaý. Dál osy qaǵıda Qazaqstannyń turaqtylyǵy men ornyqty damýynyń kepili bolmaq. Aıtýly merekede barshańyzǵa zor densaýlyq, ár shańyraqqa qut-bereke, eńbekterińizge mol tabys tileımin, — dedi ol.
Aıta ketelik Memleket basshysy Qasym-Jomart Toqaev Qazaqstan halqynyń birligi merekesimen quttyqttaǵan edi.
