Bektenov Qytaı bıznes ókilderimen iri ınvestıtsııalyq jobalardy pysyqtady
ASTANA.KAZINFORM — Qytaıdaǵy «Jazǵy Davos» dúnıejúzilik ekonomıkalyq forýmynyń 17-shi jyl saıynǵy kezdesýi aıasynda Qazaqstan Respýblıkasynyń Premer-mınıstri Oljas Bektenov ónerkásip pen tsıfrlandyrý salasynda jetekshi oryndarǵa ıe qytaılyq iri kompanııalardyń basshylarymen kezdesýler ótkizdi. Bul týraly Úkimettiń baspasóz qyzmeti málim etti.
Olardyń ishinde, Yulin Irrigation bas dırektory Tsı ıÝbo, Xiamen Wanli Stone dırektorlar keńesiniń tóraǵasy Hý Tszınpeı, SuperX AI Technology Limited dırektorlar keńesiniń tóraǵasy ári CEO Hýan Chenhýn, Jinyi Holding Group dırektorlar keńesiniń tóraǵasy Tszın Pen, Guangzhou Automobile Group dırektorlar keńesiniń tóraǵasy Fen Sınıa, CATL kompanııasynyń negizin qalaýshy jáne dırektorlar keńesiniń tóraǵasy Tsen ıÝıtsıýn, CISDI Engineering vıtse-prezıdenti ıÝn Lıý bar.
Qazaqstan úshin basym salalarda — AÓK, ónerkásip, kómir hımııasy, avtomobıl jasaý jáne data-ortalyqtar qurýda jańa sheteldik jobalardy iske qosý perspektıvalaryna nazar aýdaryldy. Memleket basshysy Qasym-Jomart Toqaev qoıǵan mindetter sheńberinde shetel ınvestıtsııalaryn tartý, óndiristerdi lokalızatsııalaý jáne tehnologııalar transfertiniń múmkindikteri qaraldy.
— Yulin Irrigation kompanııasynyń bas dırektory Tsı ıÝbomen kezdesýde Qazaqstanda zamanaýı ırrıgatsııalyq tehnologııalardy engizý máseleleri talqylandy, onyń ishinde Qyzylorda oblysynda ırrıgatsııalyq jabdyqtardy qurastyrý jobasy da bar. Sý resýrstaryn utymdy paıdalaný jáne ırrıgatsııalyq ınfraqurylymdy damytý — Qazaqstannyń aýyl sharýashylyǵy salasyndaǵy memlekettik saıasatynyń negizgi basymdyqtarynyń biri. Elimiz zamanaýı sýarý tehnologııalaryn engizý arqyly agrarlyq sektordyń ónimdiligin arttyrýǵa múddeli. Yulin Irrigation — qazirgi zamanǵy sýarý júıelerin ázirleýge, óndirýge, engizýge jáne servıstik qoldaýǵa mamandanǵan QHR-daǵy ırrıgatsııalyq jabdyqtardy jetekshi óndirýshilerdiń biri, — delingen habarlamada.
Xiamen Wanli Stone dırektorlar keńesiniń tóraǵasy Hý Tszınpeımen kómir hımııasy, metallýrgııa jáne mıneraldy shıkizatty tereń óńdeýdegi yntymaqtastyq perspektıvalary qarastyryldy. Jobada kómirdi jartylaı koks, sýtegi jáne joǵary sapaly munaı ónimderine aınaldyratyn, sondaı-aq molıbden, germanıı jáne renıı sııaqty sırek metaldardy tereń óńdeıtin qosylǵan quny joǵary «kómir–elektr energııasy–hımııa–metallýrgııa» ıntegratsııalanǵan tizbegin qurý kózdelgen.
SuperX AI Technology Limited dırektorlar keńesiniń tóraǵasy ári CEO Hýan Chenhýnmen Qazaqstanda zamanaýı derekter ortalyqtaryn qurý jospary talqylandy.
— Kompanııa JI-ınfraqurylymdarǵa jáne joǵary tyǵyzdyqtaǵy derekterdi óńdeý ortalyqtaryna arnalǵan sheshimderdi damytýmen aınalysady ári Qazaqstanda 2026-2029 jyldary kezeń-kezeńimen iske qosylatyn, qýaty 1 GVt-qa deıin jetetin AI Data Center klasterin qurýǵa múddeli. JI-kampýs salý, energııamen jabdyqtaýdy jáne tsıfrlyq ınfraqurylymdy damytý, sondaı-aq derekterdi óńdeý ortalyqtary úshin serverlik jabdyqtar men tehnologııalyq sheshimderdi jetkizip berý kózdelip otyr, — dep habarlady Úkimetten.
Ekonomıkanyń barlyq sektorlaryna jasandy ıntellektini engizý jáne tsıfrlandyrý Qazaqstan úshin strategııalyq mańyzǵa ıe. Prezıdent Qasym-Jomart Toqaevtyń tapsyrmasy boıynsha 2026 jyl Tsıfrlandyrý jáne jasandy ıntellekt jyly bolyp jarııalandy. Sondaı-aq Prezıdenttiń Jarlyǵymen elimizdiń tehnologııalyq damýynyń jańa basymdyqtaryn aıqyndaıtyn 2029 jylǵa deıingi «Tsıfrlyq Qazaqstan» jalpyulttyq strategııasy bekitildi. Kezdesý qorytyndysy boıynsha Premer-mınıstr usynysty egjeı-tegjeıli zerdeleý jáne ınvestormen ózara is-qımyldy úılestirý úshin jumys tobyn qurýdy tapsyrdy.
Jinyi Holding Group dırektorlar keńesiniń tóraǵasy Tszın Penmen arnaıy ındýstrıaldy aımaq qurý jáne ınvestıtsııalyq yntymaqtastyqty keńeıtý máseleleri qaraldy. Holdıng ónerkásiptik ınvestıtsııalar, logıstıka jáne jańa energetıka salasynda jumys isteıdi. Jinyi Holding Group Qazaqstanda eki ınvestıtsııalyq jobany júzege asyrýda, olar — Aqtóbedegi «jasyl» mys ónerkásibi zaýyty jáne Batys Qazaqstan oblysyndaǵy ındýstrııalyq-logıstıkalyq hab.
Aqtóbe oblysynda sheteldik óndirýshilerdi jedel lokalızatsııalaý úshin daıyn ınjenerlik ınfraqurylymy bar iri ındýstrııalyq-logıstıkalyq parkin qurý bastamasy bólek talqylandy. Tereń óńdeýdi jáne ónerkásiptik kooperatsııany damytýǵa yqpal etetin joǵary qosylǵan quny bar daıyn ónimdi shyǵarýǵa baǵyttalǵan óndiriske basa nazar aýdaryldy.
Guangzhou Automobile Group dırektorlar keńesiniń tóraǵasy Fen Sınıamen kezdesýge Qazaqstanda avtomobıl óndirisin lokalızatsııalaý perspektıvalary arqaý boldy. GAC kompanııasy — Fortune Global 500 reıtıngine kiretin Qytaıdyń iri avtomobıl óndirýshisi.
Jobany júzege asyrý GAC avtomobılderin Qazaqstan naryǵyna dıstrıbýtsııalaýdan jergilikti óndiriske kóshýge múmkindik beredi. 2026-2028 jyldary ishten janý qozǵaltqyshtary men gıbrıdti kúshtik qondyrǵylary bar modelderdi qosa alǵanda, 17 myń mashına shyǵarý josparlanǵan.
Qazaqstan úshin akkýmýlıatorlyq batareıalar men energııa jınaqtaý júıeleriniń jańa tehnologııalyq óndirisin qurý múmkindikteri CATL kompanııasynyń negizin qalaýshy jáne dırektorlar keńesiniń tóraǵasy Tsen ıÝıtsıýnmen talqylandy.
— Shıkizatty qaıta óńdeýden bastap daıyn akkýmýlıatorlardy, energııany saqtaý júıelerin shyǵarýǵa, sondaı-aq paıdalanylǵan batareıalardy kádege jaratýǵa deıin qosylǵan quny joǵary birlesken jobalardy júzege asyrý perspektıvalary qaraldy. CATL — elektromobılder men energııany saqtaý júıelerine arnalǵan álemdegi eń iri akkýmýlıator óndirýshisi, ol tartqysh akkýmýlıatorlar naryǵynda 39,2% jahandyq úlesti alady, — delingen habarlamada.
CISDI Engineering vıtse-prezıdenti ıÝn Lıýmen kezdesýde otandyq metallýrgııany tehnologııalyq jańǵyrtý jáne ozyq ınjenerlik sheshimderdi engizý máseleleri talqylandy. Qazaqstannyń metallýrgııalyq áleýetin nyǵaıtýdaǵy mańyzdy qadam bolatyn shoıyndy artyq kúkirtten aryltý jónindegi jobany sapaly ári ýaqtyly júzege asyrýǵa erekshe nazar aýdaryldy. Taraptar sondaı-aq CISDI Engineering kompanııasynyń elimizde jańa quıý-jaımalaý keshenin salýǵa ınjınırıngtik áriptes retinde qatysý múmkindigin qarastyrdy. Kompanııa — metallýrgııalyq ınjınırıng, aýqymdy metallýrgııalyq nysandardy keshendi jobalaý jáne júzege asyrý salasyndaǵy moıyndalǵan álemdik kóshbasshylardyń biri.
Bıznespen kezdesýler qorytyndysynda Oljas Bektenov Qazaqstan uzaq ýaqyt jumys isteýge, óndiristi lokalızatsııalaýǵa, tehnologııalar transferti men qosylǵan quny joǵary ónim shyǵarýǵa baǵdarlanǵan ınvestorlar úshin ashyq ekenin atap ótti. Premer-mınıstr Qazaqstan Qytaı kompanııalarynyń elimizdiń ekonomıkasyna ınvestıtsııa salýǵa degen qyzyǵýshylyǵyn uzaqmerzimdi strategııalyq áriptestiktiń negizi retinde qarastyratynyn aıtty. Úkimet jobalardyń turaqty jumys isteýi jáne olardyń odan ári keńeıýi úshin qajetti jaǵdaılar jasaýǵa daıyn. Salalyq memlekettik organdarǵa jáne Kazakh Invest ulttyq kompanııasyna ınvestıtsııalyq bastamalardy odan ári súıemeldeý jáne olardy júzege asyrýdyń praktıkalyq máselelerin pysyqtaý tapsyryldy.
Buǵan deıin Premer-mınıstrOljas Bektenovtiń Qytaı Halyq Respýblıkasyna jumys sapary aıasynda QHR Memlekettik keńesiniń Premeri Lı Tsıanmen kezdesý ótti.
