Bektenov QazMunaıGaz basshysyna otandyq tehnologııaǵa kóbirek qarjy jumsaýdy tapsyrdy

Búgin Úkimet otyrysynda Oljas Bektenov kompanııa basshysynan: «Barlaý, óndirý, óńdeý baǵyttarynda engizilip jatqan birneshe tehnologııany atap óttińiz. Sonyń ishinde ózimizdiń otandyq tehnologııalar bar ma? Álde barlyǵy shetelden ákelingen tehnologııa ma?, - dep surady.

Saýalǵa jaýap bergen Ashat Hasenovtiń aıtýynsha, geologııalyq barlaýda kóbine sheteldik tehnologııalar qoldanylady. Máselen, sheteldik symsyz qabyldaǵyshtar, elektr-magnıttik ımpýlstik kózder paıdalanylady. Al otandyq tehnologııalardan seısmıkalyq baǵytta Manash Qozybaev atyndaǵy Soltústik Qazaqstan ýnıversıtetimen birge karbamıdti qaptaýǵa arnalǵan kúkirt-polımerdi shyǵarý boıynsha ǵylymı-zertteý jumystar bastalmaq. Kúkirt-polımerdi óndirý jumystary aýyl sharýashylyǵynda karbamıdti qoldaný tıimdiligin arttyrýǵa múmkindik beredi.

- Osy baǵytta belsendi jumys jasaý kerek. Otandyqtehnologııalarǵa kóbirek qarajat jumsaý qajet, - dedi osy rette Premer-mınıstr. 

Buǵan deıin «QazMunaıGaz» qıyn óndiriletin qorlardan munaıdy ınnovatsııalyq tehnologııamen alyp jatqanyn jazǵan edik.