Bektenov: Qazaqstan radıatsııadan zardap shekkenderge qoldaýdy kúsheıtýge nıetti
ASTANA. KAZINFORM — QR Premer-mınıstri Oljas Bektenov Hıroshıma prefektýrasynyń gýbernatory Hıdehıko ıÝzakımen gýmanıtarlyq yntymaqtastyq máseleleri boıynsha kezdesý ótkizdi, dep habarlaıdy Úkimettiń baspasóz qyzmeti.
Onda saýda-ekonomıkalyq yntymaqtastyqty qosa alǵanda, ekijaqty ózara is-qımyldyń ózekti máseleleri, sondaı-aq gýmanıtarlyq bastamalar men jahandyq qaýipsizdikti nyǵaıtý jolynda birlese kúsh jumyldyrý jaıy talqylandy.
Qazaqstan Japonııamen keńeıtilgen strategııalyq áriptestikti damytýǵa úlken mán beredi. Bul baǵytta el Úkimeti Prezıdent Qasym-Jomart Toqaev belgilegen mindetterdi dáıekti túrde júzege asyrýda.
Kezdesý barysynda Hıroshıma prefektýrasy men Abaı oblysy arasyndaǵy baılanysty odan ári nyǵaıtý perspektıvalary qaraldy. «Hıroshıma — Semeı» bastamasyn jalǵastyrýdyń, sondaı-aq Mayors for Peace halyqaralyq qozǵalysy aıasynda bilim almasýdyń mańyzdylyǵy atap ótildi. Taraptar ıAdrolyq qarýdy taratpaý týraly sharttyń (ıAQTSh) alda ótetin Sholý konferentsııasy sheńberinde odan arǵy ózara is-qımylǵa ázir ekendikterin bildirdi.
Hıroshıma prefektýrasynyń gýbernatory ıadrolyq qarýdy taratpaý máselelerinde Japonııa men Qazaqstannyń yntymaqtastyǵy asa mańyzdy ekenin atap ótti.
— Biz Qazaqstannyń halyqaralyq arenadaǵy qoldaýyn joǵary baǵalaımyz. Saparymyzdyń bir maqsaty — dostyqty nyǵaıtý. Eki elde de ıadrolyq qarý saldarynan jınalǵan mol tájirıbe bar. Biz Hıroshımalyqtar ózimizdi mańyzdy mıssııamyz bar jandarmyz dep sanaımyz, ol — álemdi ıadrolyq qarýdan azat etý jolynda tynymsyz eńbek etý. Qazaqstan — ıAdrolyq qarýdy taratpaý týraly qozǵalystyń Ortalyq Azııadaǵy múshesi, — dedi Hıdehıko ıÝzakı.
Óz kezeginde Úkimet basshysy Qazaqstan radıatsııadan zardap shekkenderdi medıtsınalyq jáne áleýmettik qoldaý, sondaı-aq radıatsııalyq medıtsına salasyndaǵy tehnologııalardy ázirleý jáne engizý sııaqty baǵyttar boıynsha Japonııamen yntymaqtastyqty tereńdetýge umtylady.
— Biz Japonııa Úkimetine Semeıdegi ıadrolyq synaqtar saldarymen kúresý úshin óteýsiz grant berý nıetine alǵys bildiremiz. Bul bastama medıtsınalyq kómek kórsetý sapasyn arttyrýǵa ornyqty túrde uzaqmerzimdi áser etetinine senimdimiz, — dep atap ótti Oljas Bektenov.
Aıta keteıik, 2024 jyldyń qorytyndysy boıynsha Qazaqstan men Japonııa arasyndaǵy taýar aınalymy $1,8 mlrd-ty qurady. Qazirgi ýaqytta Qazaqstanda 60-tan astam japondyq kompanııa tabysty jumys isteýde. Sońǵy 20 jylda japon bıznesi QR ekonomıkasyna shamamen $8,3 mlrd ınvestıtsııa saldy. Toyota, Hitachi, Marubeni jáne basqa da kompanııalarmen iri jobalar júzege asyryldy.
Buǵan deıin Premer-mınıstr Oljas Bektenov azyq-túlik baǵasyn turaqtandyrý úshin memlekettik marketpleıs ázirleýdi tapsyrdy.