Bektenov halyqaralyq uıymdar basshylyǵymen sportty damytý máselelerin talqylady

ASTANA. KAZINFORM — QR Premer-mınıstri Oljas Bektenov halyqaralyq sport uıymdarynyń basshylarymen kezdesý ótkizdi, dep habarlaıdy Úkimettiń baspasóz qyzmeti.

Бектенов халықаралық спорт ұйымдарының басшылығымен спортты дамыту мәселелерін талқылады
Фото: ҚР Үкіметі

Kezdesýge Ulttyq Olımpıada komıtetteri qaýymdastyǵynyń jáne Qatar Olımpıada komıtetiniń vıtse-prezıdenti Sheıh Djoan Bın Hamad Bın Halıfa Ál-Tanı, Azııa jáne World Aquatics Olımpıada Keńesiniń bas dırektory Hýseın ál-Mýsallam, Qatar Ulttyq Olımpıada komıtetiniń vıtse-prezıdenti Tanı Abdýlrahman Ál-Kaýýarı qatysty.

Halyqaralyq sporttyq yntymaqtastyqty damytý, olımpıadalyq qozǵalysty qoldaý jáne kásibı ári buqaralyq sportty damytý úshin jaǵdaı jasaý máseleleri talqylandy.

Qazaqstannyń halyqaralyq sport uıymdarymen sportshylardy daıarlaý jáne birlesken oqý-jattyǵý jıyndaryn ótkizý, sporttyq ınfraqurylymdy jańǵyrtý, sý sport túrlerin damytýdaǵy ózara is-qımyldy keńeıtý bóliginde yntymaqtastyǵynyń perspektıvalary qaraldy.

Sporttyq kooperatsııa buqaralyq sportty nasıhattaýda mańyzdy ról atqaratyny atap ótildi.

Osydan buryn QR Premer-Mınıstri Oljas Bektenov memleket pen bank sektorynyń ózara is-qımylyn joǵary baǵalady.

Сейчас читают