Bektenov birqatar naryqta monopolııaǵa qarsy baqylaýdy kúsheıtýdi tapsyrdy
ASTANA. KAZINFORM – Tarıftik saıasat boljamdy ári ınflıatsııanyń maqsatty kórsetkishterine sáıkes kelýge tıis. Bul týraly Úkimet otyrysynda Premer-mınıstr Oljas Bektenov aıtty.
- Tarıftik saıasat boljamdy ári ınflıatsııanyń maqsatty kórsetkishterine sáıkes kelýge tıis. Ulttyq ekonomıka, Energetıka, Ónerkásip jáne qurylys mınıstrlikteri tarıfter men benzın baǵasyna moratorııdiń aıaqtalýyna baılanysty olardyń ınflıatsııa deńgeıine úlesin joǵarylatpaý úshin sharalar qabyldaýy qajet, - dedi ol.
Úkimet basshysy naryqtardy júıeli túrde demonopolızatsııalap, azyq-túlik, otyn, kólik jáne kommýnaldyq qyzmet naryqtarynda monopolııaǵa qarsy baqylaýdy kúsheıtý kerektigin basa aıtty.
- Osyǵan baılanysty Ulttyq ekonomıka mınıstrligi Básekelestikti qorǵaý jáne damytý agenttigimen jáne salalyq memlekettik organdarmen birge atalǵan baǵytta birlesken jumysty jalǵastyrýy qajet, - dedi Oljas Bektenov.
Buǵan deıin Úkimet basshysy mal sharýashylyǵynda ónimdilikti ulǵaıtýdy tapsyrǵanyn jazǵan edik.
