Bektenov, Áshimbaev jáne Qoshanov soǵys jyldarynda qurban bolǵandardy eske aldy
ASTANA. KAZINFORM — Oljas Bektenov, Máýlen Áshimbaev jáne Erlan Qoshanov «Otan Ana» monýmentine baryp, soǵys jyldarynda qurban bolǵandardy eske aldy, dep habarlaıdy Úkimettiń baspasóz qyzmeti.
Memleket basshysynyń tapsyrmasy boıynsha Qazaqstan Premer-mınıstri Oljas Bektenov, Parlament Senatynyń tóraǵasy Máýlen Áshimbaev jáne Parlament Májilisiniń tóraǵasy Erlan Qoshanov Jeńis kúnine oraı Astanadaǵy «Otan Ana» monýmentine gúl shoqtaryn qoıdy.
Sharaǵa qatysýshylar soǵys jyldarynda qaza tapqan qazaqstandyq maıdangerlerdi, tyl eńbekkerlerin jáne soǵys qurbandaryn bir mınýt únsizdikpen eske aldy.
Jeńis kúni beıbit ómirdiń qadirin uǵyndyratyn, urpaqtar sabaqtastyǵy men tatýlyqty jáne el tynyshtyǵyn saqtaý jaýapkershiligin jadymyzda jańǵyrtatyn tarıhtaǵy eń ataýly kúnderdiń biri bolyp qala beredi.
Osydan buryn Memleket basshysy Qasym-Jomart Toqaev Jeńis kúnimen quttyqtaǵanyn jazǵanbyz.
